Pork Nilaga - My childhood version



Hello! Sa panahon ngayon dapat lang na pagtuunan natin ng pansin ang pagtitipid. Mapapansin nyo, kabi-kabila ang tanggalan sa trabaho, nagsasarang mga kumpanya. Pagtitipid na hindi naman ibig sabihin hindi na tayo kakain o kaya naman kung ano-ano na lang ang kakainin natin. Ika nga pwede naman tayong magtipid na hindi isinasakripisyo ang nutrisyon at lasa ng pagkain.

Nung mga bata pa kami, natatandaan ko, komo mahirap lang kami, ginagawan ng paraan ng aking Inang kung papano mapagkasya ang aming ulam sa aming lahat. Komo nga magaling magluto ang aking ina, nagagawan niya ito ng paraan. Papano, gumagamit siya ng extender. Ano yun? Yun yung mga bagay na inihahalo sa lutuin para dumami. At eto nga ang recipe natin para sa araw na ito.

Pork Nilaga - My childhood version

Mga sangkap:

1 kilo Pork spareribs or buto-buto
1/2 repolyo
pechay
100 grams baguio beans
4 pcs. saging na saba
2 pcs. medium kamote
sibuyas
pamintang buo
asin
maggie magic sarap (optional)

Paraan ng pagluluto:

1. Sa isang kaldero, pakuluan ang karne o buto-buto hanggang sa lumambot. Lagyan na ng asin
2. Kung malambot na, maari na itong lagyan ng sibuyas at pamintang buo.

3. Ilagay na din ang saging na saba at kamote

4. Kung luto na ang saba at kamote, ilagay na ang baguio beans

5. Pakuluin sandali at ilagay na ang repolyo at pechay.

6. Timplahan pa ng asin, paminta at maggie magic sarap kung kinakailangan.

7. Ihain habang mainit.

Enjoy!!!

Nasaan ang extender? Yung saging na saba at kamote. Nung araw kasi, komo nga mahal ang karne ng baboy, nilalagyan ng Inang ko ng saba at kamote ang nilaga. Tig-iisang piraso lang kami ng karne ng baboy at lalagyan na lang ang plato namin ng mga gulay na sahog. Di ba matipid at masustansya pa?

Isang mumunting tip mula sa inyong lingkod......

Comments

Cool Fern said…
tenks sa tip mo,dennis..i think lahat ng mga nanay talagang maalam sa pag budget ng kanilang niluluto...wise ang mga nanay..di ba ganito din yong pochero na recipe?may saging na saba din?
February 14, 2009 at 3:22 AM
Dennis said…
Tama ka Cool Fern....yun lang ang pochero ginisa sa bawang at sibuyas...nilagyan ng tomato sauce at konting asukal. At yung saba piniprito muna bago ilagay sa pochero.
February 14, 2009 at 8:40 AM
Cool Fern said…
aaahhh ok..great,now i know..tenks ha sa info...
February 15, 2009 at 1:04 AM
Andy Eugenio said…
Hi Dennis,
Kadi-discover ko lang ng blog mo. Ang galeng-galeng ng contents. Maraming pwedeng magamit sa pang-araw araw or pang special occasion din. Intriguing yong okoy, bagkat at yong sardinas na may sotanghon. Bagong-bago talaga yong recipe na yon sa kin. Great job sa blog. Naka-bookmark na sa kin to at palagi kong papasyalan. Pag nakaluto ako ng anomang recipe,I'll make sure na kukunan ko ng litrato at i-share ko sa yo. most of all, nabasa ko rin na taga Bocaue ka pala. Tubong Bocaue din ako, sa Binang 1st pero dito nako based sa States ngayon. Saan ka nga pala sa Bocaue?
April 19, 2009 at 12:12 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more