Fried Chicken with Home made Gravy

Ang mga bata, basta fried chicken ang ulam siguradong taob ang kaldero ng kanin...hehehehe. The same with my 3 kids. Piniprito ko pa lang ang manok, kanya-kanya na silang turo kung alin ang mapupunta sa kanila. Sabagay, kahit sino naman siguro, talagang paborito ang pritong manok.

Maraming recipe o pamamaraan sa pagluluto ng pritong manok o fried chicken. Depende na lang siguro sa ating panlasa kung papaanong luto ang gagawin natin. Yung iba gusto walang breadings...parang ala Max ang dating.....yung iba naman mas gusto nila yung fastfood like na crispy ang balat. Well sa mga anak ko kahit na ano basta pritong manok...hehehehe. At syempre pag may pritong manok dapat may sawsawan. Pwedeng ordinaryong catsup o kaya naman ay gravy. Sa entry kong ito, ituro ko din ang simpleng pag-gawa ng gravy para sa ating fried chicken.

FRIED CHICKEN with HOME MADE GRAVY

Mga Sangkap:

1 kilo Chicken legs (cut into 2 parts)

6 pcs. calamansi

salt and pepper

Maggie Magic SArap

1 cup all purpose flour

1/4 cup cornstarch

Cooking oil for frying

For the gravy:

1/4 cup butter

2 pcs. Knorr chicken cubes

1 cup of water

2 tbsp. flour

1 tsp. soy sauce

salt and pepper

Paraan ng pagluluto:

1. I-marinade ang manok sa asin, paminta, maggie magic sarap at calamansi juice. Mas matagala ang pag-marinade mas mainam.

2. Ilagay ang manok, harina at cornstarch sa isang plastic bag. Lagyan nga kaunting hangin ang plastik bag.....isara...at alug-alugin ang manok sa loob hanggang sa ma-coat ang lahat ng manok ng harina.

3. I-prito ito ng lubog sa mantika. Hanguin sa paper towel at ilagay sa isang lalagyan.

4. For the gravy, sa isang sauce pan, pakuluan ang knorr chicken cubes sa isang tasang tubig.

5. Ilagay ang tinunaw na harina at butter. haluin ng haluin. I-adjust ang lapot ng sauce..maaaring lagyan pa ng tubig o harina pa.

6. Timplahan pa ng asin at paminta kung kinakailangan. Maaari din lagyan ng maggie magic sarap to add more flavor.

Ihain kasama ng piniritong manok habang mainit.

Masarap din na pambaon ito ng mga bata....with the home made gravy, siguradong matutuwa ang mga kids.

Till next....enjoy!!!!