PORK with BUTTON MUSHROOM & BASIL in WHITE SAUCE


Narito na naman ang isang dish na hindi ko alam kung may recipe na ganito. Ang original na plano ay magluto ng sinigang na baboy. So, bumili ako ng pork liempo na may buto at gulay na pangsahog. Para kasing natatakaw ako sa sabaw ng sinigang. Kaso, ang gusto naman ng asawang kong si Jolly ay isda na may sabaw. Kaya ang nangyari, ang kumander ang nasunod.....hehehe.


So ano na ang nangyari sa pork liempo na dapat sana ay isisigang? Eto, ang recipe natin for today. Medyo mahaba ang pangalan...hehehehe. Pero sa totoo lang masarap ito. Napuri nga ng officemate ng asawa ko nung nag-baon siya. Okay din itong pambaon ng mga bata sa school. Malasa kasi ang sauce. Try it!



PORK with BUTTON MUSHROOM & BASIL in WHITE SAUCE

Mga Sangkap:

1 kilo Pork Liempo cut into cubes

1 tall can Whole Button Mushroom

1 cup Fresh Basil leaves chopped

1 small can Alaska Evap (red ang label)

4 pcs. Chili fingers (Siling pang-sigang)

4 cloves minced garlic

1 large red onion chopped

1/2 tsp. dried basil

1 tbsp. cornstarch

salt and pepper

1 tsp. maggie magic sarap


Paraan ng Pagluluto:

1. Sa isang kaserola, igisa ang bawang at sibuyas sa kaunting mantika.

2. Ilagay ang karne ng baboy, timplahan ng asin at paminta, halu-haluin. Hayaan munang masangkutsa bago lagyan ng tubig.

3. Pakuluan ito hanggang sa lumambot ang karne.

4. Kung malambot na ang karne, bawasan ito ng sabaw ayon sa nais na dami ng sauce na gusto nyo.

5. Ilagay ang button mushroom kasama ang sabaw nito. Hayaan hanggang sa kumulo.

6. Ilagay ang chopped basil leaves at siling pang-sigang. Hayaan ng mga 1 minuto.

7. Ilagay ang alaska evap at timplahan ng asin, paminta at maggie magic sarap. I-adjust ang lasa.

8. Ilagay ang tinunaw na cornstarch para lumapot ang sauce.

Ihain habang mainip pa.

Masarap itong kainin with rice o kaya naman bread.

Enjoy!!!

Comments

Anonymous said…
this looks really good... i think the chili fingers will do the trick...
August 16, 2009 at 2:11 PM
Dennis said…
Correct ka dyan....lalo na pag kinain mo ito ng kinabukasan....mas masarap parang adobo. At yung anghang ng chili , tamang tama lang....

Thanks anonymous.....I hope malaman ko name mo.

Dennis
August 16, 2009 at 3:02 PM
Unknown said…
mukang masarap to kuya, kanina pa kasi ako namumroblema kung ano gagawin ko sa pork dahil ala ako stocks dito kundi mushrooms lang.
December 6, 2010 at 10:00 AM
country woman in the city said…
i did try to cook this recipe nasarapan ang asawa ko na german, madali lutuin simple at talagang masarap, very yummy daw sabi ni mr, thanks for sharing this and im looking forward to cook more of your shared dish, keep it up
December 5, 2011 at 2:18 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more