JELLY PLAN

Yes, hindi kayo nagkakamali sa recipe na ito. Hindi ito Leche Plan, Jelly Plan talaga. But I tell you masarap ito katulad din ng leche plan. Yun nga lang mas light ito as compare sa napakatamis na leche plan. Ofcourse, wala pa ring tatalo sa paboritong panghimagas ng pinoy ang leche plan.

Matagal ko nang balak gumawa nito. Mula ng makuha ko ang recipe nito sa aking kapatid na si Shirley, nitong birthday lang ng anak kong si Jake natuloy ang pag-gawa ko nito. Hindi ko alam kung saan nag-origin ang dessert na ito pero the best magluto nito ang mga kapatid kong sina Ate Mary Ann at Shirley nga. Try nyo. First time ko nga na gumawa nito at hindi naman ako nagkamali. Masarap ito talaga.

JELLY PLAN

Mga Sangkap:

2 eggs

1 big can Claska Condensed milk

1 big can Alaska Evap (Yung white ang label)

4 cups water

1 bar Yellow color Gulaman

2 cups white sugar

2 tbsp. Vanilla essence or katas ng dahon ng dayap

Paraan ng Pagluluto:

1. Sa isang bowl, paghaluin ang itlog, condensed milk, evaporated milk, 1 cup sugar at vanilla essence. Batihing mabuti. Kung may blender mas mainam

2. Gumawa ng caramelized sugar gamit ang 1 cup pa ng sugar. Lagyan ng kaunting tubig. Ilagay sa mga llanera.

3. Sa isang kaserola, lutuin ang gulaman sa 4 cups na tubig. Hayaan hanggang sa kumulo

4. Ilagay ang mga pinaghalong sangkap. Hinaan ang apoy ng kalan.

5. Haluin ng haluin hanggang sa pakiramdam nyo ay mabigat na ang paghalo.

6. Hanguin sa mga llanera na may caramelized sugar. Palamigin hanggang sa ma-set.

Ihain kasama ang inyong matamis na ngiti....:)

Enjoy the cooking!