SINIGANG na BAKA sa SAMPALOK

Bukod sa Adobo, ang sinigang marahil ang pagkaing Pilipino na maipagmamalaki talaga natin. Katulad nga ng adobo, marami din itong variety. Mapa isda, baboy, manok o baka man ay pwedeng isigang. At iba-iba din ang pang-asim na ginagamit dito. Pangkaraniwan ang sampalok. Pwede din ang kamyas, o kaya naman kalamansi, may nadinig nga ako santol naman. May gumagamit din ng pinya at kahit ano pa mang pwedeng pang asim.

Sa panahon ngayon, napakadali lang na magluto ng sinigang. Ang dami na kasing available na sinigang mix na ibubuhos mo na lang sa iytong niluluto. But ofcourse, iba pa din ang orig o yung niluto mo kung papano ito niluluto noong araw.

Ito ang ishe-share ko sa inyo for today. Sa sinigang na ito, hbindi ako gumamit ng instant sinigang mix. Talagang sa purong bunga ng sampalok ko kinuha ang pangasim. Sa isang masarap na lutuin, bukod sa pagmamahal na inilalahok mo dito, mas masarap pa rin kung ito ay iyong pinaghihirapan.

SINIGANG na BAKA sa SAMPALOK

Mga Sangkap:

1 kilo Beef Brisket or Camto cut into cubes

250 grams Bunga ng sampalok

1 tali kangkong

1 pc. Labanos

1 tali Sitaw

3 pcs. siling pang sigang

250 grams Gabi

2 medium size Tomato chopped

1 large red onion chopped

Asin at patis

Paraan ng Pagluluto:

1. Ilaga ang bunga ng sampalok sa isang kaserolang may tubig. Hayaan hanggang sa lumambot ang samplalok.

2. Hanguin sa isang lalagyan at durugin hanggang sa lumabas ang katas ng sampalok.

3. Salain ang katas at ilagay saisang lalagyan.

4. Sa isang kaserola, pakuluan ang baka ng mga 5 minuto. Hanguin ito at hugasan muli para maalis yung mga dugo na namuo sa sabaw. Palitan ng tubig at muling pakuluuan hanggan sa lumambot ang karne.

5. Ilagay ang asin, sibuyas, kamatis at gabi. Hayaang kumulo hanggang samaluto ang gabi.

6. Ilagay ang sitaw at labanos. Hayaan ng mga 3 minuto

7. Ilagay ang katas ng samplako at talbos ng kangkong.

8. I-adjust ang lasa sa paglalagay ng asin o patis.

Ihain habang mainit pa ang sabaw.

Enjoy!!!