CHICKEN in OYSTER and HOISIN SAUCE


Mula nung maumpisahan ko ang food blog kong ito, natuto akong mag-research ng mga bago at kakaibang lutuin sa internet. Natutunan ko din ang gumamit ng mga herbs, spices at kung ano-anong sauces. Isa na nga dito ang hoisin sauce.

Ang mainam sa mga sauces na ito, nae-enhance talaga niya ang lasa ng mga lutuin at kakaiba talaga ang lasa kumpara sa pangkaraniwang nakakain natin. Ang inam pa dito, the best siya sa mga biglaang lutuin mapa pork man o chicken.

Katulad ng entry natin for today. Wala akong maisip na ulam na pambaon ng 2 kong anak na nag-aaral. Nang makita ko ang 3 pcs. na chicken breast na ito at hoisin sauce and presto may pambaon na sila.

Madali lang lutuin ito. Pang biglaan talaga. At huwag ka, puring-puri ng mga bagets ko ang lutuing ito. So ano pa ang hinihintay ninyo? Try nyo na....hehehehe




CHICKEN in OYSTER and HOISIN SAUCE

Mga Sangkap:

1 kilo Chicken breast or any part meaty parts

1/2 cup Hoisin sauce

1/2 cup Oyster sauce

1/2 cup Soy Sauce

5 cloves minced garlic

1 medium chopped onion

2 tbsp. toasted sesame seeds

1 tbsp. sesame oil

3 tbsp. brown sugar

salt and pepper to taste





Paraan ng pagluluto:

1. Timplahan ng asin at paminta ang manok. Hayaan ng mga 15 minuto.

2. Sa isnag non-stick pan, i-prito ang manok sa kaunting mantika hanggang pumula ng kaunti ang balat ng manok. Hanguin muna sa isang lalagyan.

3. Sa parehong kawali, igisa ang bawang at sibuyas.

4. Ilagay ang piniritong manok at ilagay na din ang soy sauce, hoisin sauce at oyster sauce. Halu-haluin.

5. Lagyan nga 1/2 cup na tubig at hayaang maluto ang manok.

6. Ilagay ang brown sugar at hayaang ma-coat ang manok ng sauce. Hinaan lang ang apoy para hindi masunog agad ang asukal.

7. Ilagay ang sesame oil bago hanguin ang nilutong manok.

8. Hanguin sa isang lalagyan at lagyan ng toasted sesame seed sa ibabaw.



Ihain habang mainit pa.



Enjoy!!!!



Note: Masarap na pambaon ito ng mga bata at ng mga young at hearts na din. Okay na okay din ito sa mga biglaang bisita na napapadaan sa ating bahay.

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more