BEEF YAKINIKU in TERIYAKI Sauce

Last Saturday ng mag-groceries ako sa SM Hypermarket sa may Kalentong, may nakita akong parang bacon ang cut na meat. Ang naka-label dito ay Beef Yakiniku. Sa totoo lang, wala akong idea what is this kind of beef. Basta ang nakita ko, para siyang bacon na manipis ang pagkakahiwa. P199 ang halaga ng 1 kilo nito.

Sa pag-check ko sa google sa beef recipe na ito, napagalaman ko na isa pala itong simpleng beef recipe sa Japan. Yakiniku means grilled meat. Simple, kasi simple lang ang mga sangkap at paraan ng pagluluto. Pero ang ginawa ko dito hindi ko inihaw, niluto ko ito ala teriyaki without the teriyaki sauce. Papano yun? eto sa baba basahin nyo. hehehehe.

BEEF YAKINIKU in TERIYAKI Sauce

Mga Sangkap:

1 kilo Thinly sliced Beef (Sukiyaki or sirloin)

1 thumb size grated ginger

1 onion chopped

4 cloves minced garlic

2 tbsp. Oyster Sauce

1/2 cup Soy sauce

2 tbsp. Muscova, palm or Brown sugar

2 tbsp. cooking oil

1 tsp. sesame oil

1 tsp. toasted sesame seeds

1 tsp. cornstarch

chopped spring onion for garnish

Paraan ng Pagluluto:

1. I-marinade ang karne sa toyo, oyster sauce, paminta, at brown sugar. Hayaan ng mga 1 oras or mas matagal pa.

2. Sa isang kaserola o non-stick pan, i-gisa ang luya, bawang at sibuyas sa kaunting mantika . Ilagay na din ang minarinade na karne. Huwag muna ilagay ang marinade mix. hayaan munang ma-prito ito sa sariling mantika. Halu-haluin

3. Kung nawala na ang pamumula ng karne ilagay na ang marinade mix. Hayaan kumulo sa mahinang apoy haggang sa lumambot ang karne.

4. Tikman at i-adjust ang lasa.

5. Ilagay ang tinunaw na cornstarch para lumapot ang sauce. Ilagay na din ang sesame oil

6. Hanguin sa isang lalagyan at lagyan ng toasted sesame seeds at ginayat na spring onions.

Ihain habang mainit pa.

Enjoy!!!

Note: The best na palm or muscova sugar ang gamitin. Mas masarap ang kakalabasan.