PORK BINAGOONGAN with TOMATO SAUCE

Meron na akong recipe na pork binagoongan sa archive. Pero itong entry ko na ito for today is another version. Eto nga at kakatapos ko lang kainin ang dish na ito as my lunch dito sa office. hehehehe.

Very common na nilalagyan ng gata ang binagoongan. Pero itong ginawa ko, nilagyan ko naman ng tomato sauce. Actually nakuha ko yung recipe sa label nitong bagong labas na tomato sauce ng Del Monte.

Nung una talagang nagduda ako sa kung ano ang kakalabasan ng dish na ito. Binagoongan na may tomato sauce? Pero sinubukan ko pa din. Akala nga ng asawa ko caldereta....hehehehe.

Try nyo masarap siya. Mas masarap siguro kung medyo spicy ng kaunti ang sauce.

PORK BINAGOONGAN with TOMATO SAUCE

Mga Sangkap:

1/2 kilo Pork Kasim cut into cubes (adobo cut)

1 tetra pack Del Monte Sulit Sinangkutsa Tomato Sauce

2 tbsp. Bagoong Alamang (yung nasa bottle na ang ginamit ko...guisado na)

1 large onion chopped

4 cloves minced garlic

1 tbsp. brown sugar

salt and pepper to taste

Paraan ng Pagluluto:

1. Timplahan ang karne ng baboy ng asin at paminta. Kaunti lang asin ang ilagay dahil maalat na yung bagoong na isasama sa pagluluto. Hayaan ng mga 15 minuto.

2. Sa isang non-stick na kawali, i-prito ang karne hanggang sa pumula lang ang magkabilang gilid nito.

3. Itabi lang sa gilid ang karne at igisa ang bawang at sibuyas. Halu-haluin

4. Lagyan ng mga 3 tasang tubig at takpan hanggang sa lumambot ang karne. Maaring lagyan pa ng tubig kung kinakailangan.

5. Ilagay ang bagoong alamang at tomato sauce. Hayaan ng mga ilang minuto

6. Hayaang kumulo hanggang sa kakaunti na lang ang sauce na natitira.

7. Ilagay ang brown sugar at i-adjust ang lasa.

Ihain habang mainit pa.

Enjoy!!!