ANONG MASARAP PANG NOCHE BUENA? - PART 2

Narito ang part 2 ng entry ko tungkol sa mga pagkain na pwed nating ihanda sa Noche Buena.

Sabi ko nga, hindi importante kung gaano karami o gaano kasasarap ang pagkain na ating ihahanda. Ang mahalaga ay ang pagsasama-sama ng pamilya sa isang hapag. Pero komo nga ang Pasko at ang Noche Buena ay isa sa napaka-halagang okasyon sa atin sa loob ng isang taon, marapat lang na paghandaan talaga natin ito.

Narito muli ang ilan sa mga suhestiyon ko n nai-post ko na din dito sa aking blog. Check nyo na lang sa archive ang recipes sa mga ito:

Espesyal syempre ang sweet and sour fish na ito. Lapu-lapu ang pangkariwang isda na ginagamit dito although pwede kahit anong medyo may kalakihang isda.

Mawawaa ba ang Kare-kareng Buntot ng Baka sa ating hapag? Panalong-panalo ito lalo na kung may kasarapan ang ating bagoong.

Porkloin Asado. Panalo din ang dish na ito lalo na yung sauce na kasama dito. Ayos na ayos ito lalo na kung may bisita kayo na darating.

Sa mga mahilig sa isda, ito ang isang dish na winner talaga. Pan-grilled Tuna Steak with Creamy herbed sauce. Sauce pa lang nito ay ulam na.

Ito ang dish na talaga namang maipagmamalaki ko talaga. Nai-post ko nga ito sa isang international na food blog. Chicken in Honey-Lemon & Ginger Sauce. Tiyak kong magugustuhan ito ng mga bagets.

Sa lahat ng mga pasta dishes na nagawa ko na, ito namang Pasta Aligue ko ang paborito ko talaga. Panalong-panalo talaga ang lasa nito at kakaiba sa mga pangkaraniwang luto sa pasta. Kaya sa Noche Buenang darating ito ang highly recommended ko. Simple pa itong lutuin. Ang importante lang dito ay yung good quality ng taba ng talangka na gagamitin.

Nag-comment ang kaibigan kong si J sa part 1 ng post kong ito na lechon daw ang gusto niya. Ito ang pang-tapat ko sa lechon na yun. Yun nga lang 1 pata lang ito. May kamahalan kasi ang isang buong lechon. hehehehe. Kaya ito na lang Turbo broiled crispy pata ang ipalit natin. Pwede ding iluto ito sa oven.

Ang dami ko pang dish na gusto kong i-share sa inyo for this Noche Buena and Media Noche. Yun lang ayaw ko ding ma-focus ang mga okasyong ito sa pagkain. Ang importante ay ang tunay na diwa ng mga araw na ito. Ang pagpapaalala na si Hesus ay ipinanganak para sa ating lahat.

Huwag nating ialis ang tunay na bida ng Pasko. Si Hesus.

Amen.....