CILANTRO LEMON CHICKEN

Sa kagaya ko na diabetic, importante ang pagsunod sa mga diet na sinasabi ng doctor. Ika nga, we need to watch our diet. Kung hindi baka maaga ang ating paglisan sa mundo, the worse, maghirap tayo sa pagpapagamot.

Kaya naman natutunan ko na mag-research ng mga pagkain na masustansya, tama sa aking diet at hindi tipid sa lasa.

Isa na dito itong entry ko for today. Cilantro Lemon Chicken. Actually, lime ang ginamit sa original recipe na nabasa ko. Pero komo lemon ang available sa aking fridge, ito na lang ang aking ginamit. Nakakatuwa lang at masarap ang kinalabasan ng dish na ito. ito rin pala ang ibinaon ng aking mga kids sa kanilang lunchbox.

3 words, yummy, healthy and easy to prepare.

CILANTRO LEMON CHICKEN

Mga Sangkap:

5 Whole Skinless Chicken Breast Fillet cut into half

1 pc. Lemon

1/2 cup Chopped Cilantro

1/2 cup Olive oil

Salt and Pepper to taste

Paraan ng Pagluluto:

1. I-marinade ang chicken fillet sa lahat ng mga sangkap. Hiwain din ang balat ng lemon at isama o ihalo sa minarinade na manok. Hayaan na naka-marinade ng 1 araw o overnight sa fridge.

2. I-ihaw ito sa non-stick na kawali hanggang maluto at pumula ang balat. Maaring lagyan ng kaunting olive oil ang kawali.

I-slice at saka ihain habang mainit pa.

Enjoy!!!