COCA COLA ROAST PORK

What? Coke sa roasted pork? Yup. Hindi kayo nagkakamali ng basa mga kapatid. Di ba ang Sprite o kaya naman ay 7-Up ay ginagamit din na pang-marinade sa mga paborito nating barbeque dishes? Dito taman ang paborito nating Coke ang bida.

Actually, nabasa ko lang din sa isang food blog na coke ang gamitin na pang-marinade. Pero hindi ko sinunod ang recipe na nandun. Gumawa ako ng sarili kong recipe base na din sa flavor na gusto kong ilagay sa aking roasted pork.

COCA COLA ROAST PORK

Mga Sangkap:

1.5 kilo Pork Kasim (cut like a log)

2 cups Coke

1 head Minced Garlic

1/2 cup Sweet soy sauce

2 tbsp. Worcestershire Sauce

1 tsp. Ground Black pepper

2 tbsp. Muscovado Sugar or brown sugar

Salt to taste

Paraan ng Pagluluto:

1. Lagyan ng asin ang karne ng baboy. Hayaan ng ilang sandali.

2. Sa isang bowl pagsamahin ang lahat ng mga sangkap. I-marinade ang karne ng baboy ng isang araw o overnight.

3. Lutuin ito sa turbo broiler sa init na 250 degrees sa loob ng 45 na minuto hanggang sa isan oras o hanggang sa maluto ang karne.

4. I-brush ng marinade mix ang karne paminsan-minsan.

5. To make the sauce, pakuluan ang marinade mix at lagyan ng mga 1.2 tsp. na cornstarch.

6. Tikman at i-adjust ang lasa.

Hiwain ang nilutong karne sa nais na kapal at buhusan ng sauce sa ibabaw bago ihain.

Enjoy!!!!