A DAY @ CANYON COVE

Every year nagkakaroon ng summer outing ang pinapasukan kong opisina ang Megaworld Corporation. This year, napili nila na sa Canyon Cove Beach Club sa Nasugbu Batangas gawin ang summer outing na ito. Nangyari pala ito last May 12, 2011.

Maaga akong gumising ng araw na iyon. Ayon kasi sa memo na ipinamahagi, eksaktong 5:15am ay aalis ang bus na aming sasakyan. At yun nga ang nangyari, 10 minutes bago mag-5am ay nakarating na ako sa aming opisina kung saan naroroon ang bus na aming sasakyan.

Mahaba ang biyahe na tinakbo ng aming sasakyan. Mga 8:30am ay narating na namin ang Canyon Cove. Exited ang lahat dahil kahit nga naman papaano ay makakapag-relax kami sa araw na yun.

May welcome drinks na ibinigay pagdating namin sa gilid ng ach na nilayan ng mga tent at mesa na aming kakainan. At mga bandang 9:15am ay inihanda na sa amin ang aming morning snacks. Pancit Bihon ang ang snacks that morning. Di ko pala nasabi na may ibinigay din na breakfast sa bus na aming sinakyan. 1 pc. Chicken Mcdo at tetra pack na juice.

Ang ng snacks, nag-start na ang kung ano-anong activities na pwedeng gawin sa beach na yun. Nauna kaming pumunta sa photo booth para magpakuha ng aming souvenir picture. Mahaba-haba din ang pila bago ang aming turn.

Sunod na pinilahan namin ay ang booth para sa henna tatoo. Hindi na kami nakapila sa kayak dahil baka mabasa ang aming tatoo at masayang lanag ang aming ipinila. Ofcourse, mawawala ba ang walang katapusang picture-picture. hehehe

Eksaktong 11:30AM ay ini-open ang buffet table para naman sa lunch. Eto nga at hindi ko na napicturan ang lahat ng dish dahil ang dami nang nakapila. 600+ employees pala ang sumama sa summer outing namin na ito.

Marami din pagkain ang inihanda sa amin sa pananghaliang yun. Nasa itaas yung beef ribs caldereta. Hindi ko na napituran yung Chicken pork adobod. Merong ding inihaw na tilapia at chopsuy.

Meron din Itlog na maalat na may manga, kamatis at sibuyas (Nasa itaas) at nilagang gulay kagaya ng talong, sitaw, okra at pechay na may kasamang bagoong isda (Nasa ibaba).

Meron ding cripsy tawilis na tanyag ang Batangas. Yun lang hindi na siya crispy at nakalimutan atang lagyan ng asin at paminta.

May prutas at leche plan naman para pang-himagas.

Nabusog kaming lahat sa pagkain. Pero sa totoo lang hindi ako nasarapan sa mga luto nila dito. Parang hindi siya angkop sa kasosyalan ng lugar na yun. Para bang napaka-plain lang at walang kadati-dating ang lasa.

Anyways, binawi na lang namin sa pagsi-swimming ang nalalabi pang oras namin sa lugar na yun. Syempre ang kodakan hindi pwedeng mawala.

Feeling mayaman ba angdatin ko sa picture na ito? Hehehe. Just for a few hours lang baga. hehehe
Medyo maligamgam ang tubig sa pool na aming pinaliguan. Bakit kaya? hehehehe

Masyadong mahaba ang pila sa banana boat ride...kaya eto, nagpa-picture na lang kami sa spare na banana boat na nasa gilid ng beach. Hahahahaha.

May snack pa na ibinigay around 3:00pm. Pasta na may kasamang konting macaroni salad at kapirasong pizza. As usual, walang lasa ang mga pagkain. Sayang lang at hindi ko ito naubos.

3:30pm nagsimula na kaming mag-handa para lisanin ang lugar na yun. At mga bandang 4:00pm nga ay umalis na kami pabalik ng Manila.

Masaya naman ang ilang oras na inilagi namin sa Canyon Cove beach na ito. Yun lang hindi talaga namin nagustuhan ang pagkain. Tatanungin mo ako kung babalik pa ako dito? Kung libre oo...hehehe. Pero kung ako ang gagastos, hindi na siguro. Mayroon pang mas magaganda at masasarap ang pagkain na pwedeng puntahan sa 7,100 na isla sa Pilipinas.

Amen....