HAPPY FATHERS DAY Tatang Villamor

HAPPY FATHERS DAY!!!!


(Media Noche 2011 - From left: Jake, James, Tatang Villamor, Jolly, Anton and Me)

Sa espesyal na araw na ito, hayaan nyong magpugay ako sa isa sa mga importanteng tao sa ating buhay. Ang ating mga ama.

Dito sa atin sa Pilipinas, maraming tawag sa ating mga ama. Ako in particular, Tatang ang tawag ko sa aking ama. Yung iba naman ay Papa. Meron din Tatay. May tumatawag din ng Itay, Ama, Amang, Daddy, Itang at iba pa.

Ang aking Tatang Villamor ay 69 years old na. Malakas pa siya bagamat may mga nararamdamang sakit na din katulad ng rayuma at athritis.

Solong anak na lalaki ang aking tatang at 5 silang magkakapatid. Nagiisa lang siyang anak na lalaki kaya siya lang ang katu-katulong ng aking lolo sa pagsasaka.

Walang maipagmamalaking mga titulo ang aking tatang. Hindi siya nakapag-tapos ng pag-aaral. Pero napakarami niyang mga kaibigan at hindi matatawaran ang kanyang katapatan sa mga ito.

Nung namatay nga ang kanyang kauna-unahang apo, napakarami ang nakiramay at nakipag-libing. Hindi ko lubos maisip na kahit bata lang ang namatay ay marami pa rin ang nakiramay. At sabi nga ng aking tatang, "Iyan ang nagagawa ng pagiging palakaibigan at pakikipag-kapwa".

Wala mang materyal na kayaman ang aking tatang, pero masasabi kong napakayaman niya sa mga nagmamahal sa kaniya. Ang kanyang pamilya at kanyang mga kaibigan.

Hindi ko matandaan na sinabihan ko ng I love you ang aking Tatang Villamor kahit nung maliliit pa kami. Pero sa kaibuturan ng aking puso ay mahal na mahal ko siya. Kung hindi tama ang pagpapalaki niya sa aming magkakapatid, hindi marahil kami magiging matagumpay at mabubuting tao ng lipunan.

Ngayong ako ay ama na din ng tatlo kong mga anak, pipilitin kong matapatan kundi man malampasan ang pagpapalaking ginawa niya sa akin. Ituturo ko sa kanila ang pagmamahal sa Diyos at ang pagiging mabuting tao ng lipunan.

Dalangin ko sa Diyos na sanay bigyan pa siya ng mahabang buhay. Nang magandang kalusugan at lakas ng katawan. Nang mga biyayang kailangan niya sa araw-araw. Sanay makita pa niya ang mga anak ng kanyang mga apo.

HAPPY FATHERS DAY TATANG!!! At mahal na mahal kita....

Dennis

Comments

J said…
Happy fathers day Tatang Villamor! At shempre sa aking kuya Dennis!
June 19, 2011 at 10:01 AM
Dennis said…
Thanks J...as always..una ka na naman na bumati sa akin...:)
June 19, 2011 at 6:15 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more