JELLY PLAN for CHRISTMAS

Remember yung recipe ko ng Jelly Plan? Yup yung dessert na ginawa ko na pinaghalong gelatin at leche plan. Marami ang nagkagusto sa dessert na yun dahil bukod sa masarap talaga ay madali lang din itong gawin.

Yung second version ko nito ay sinamahan ko naman ng manggang hinog at marami din ang pumuri.

This time, komo papalapit na ang pasko, bakit hindi natin gawing parang pang-pasko ang ating masarap ng jelly plan. Gamit ang inspirasyon ng stain glass gelatin, ito naman ay using the original recipe ng jelly plan plus colored gelatin cut into cubes.


STAIN GLASS JELLY PLAN

Mga Sangkap:
a. For colored gelatin:
1 bar Red color Gulaman
1 bar Green color Gulaman
1 bar Yellow color Gulaman
3 cups White Sugar
3 tsp. Vanilla
b. For Jelly Plan base:

2 pcs. eggs

1 big can Alaska Condensed milk

1 big can Alaska Evap (Yung white ang label)

4 cups water

1 bar Yellow color Gulaman

2 cups white sugar

2 tbsp. Vanilla essence or katas ng dahon ng dayap

Paraan ng pagluluto:
a. For stain glass gelatin:
- Sa isang kaserola, magpakulo ng 4 na tasang tubig.
- Kapag kumukulo na ilagay ang hinimay na gelatin bar, 1 cup na asuka at 1 tsp. na vanilla.
- Hayaang kumulo hanggang sa malusaw na ang gelatin.
- Isalin sa isang square na lalagyan at hayaang mabuo.
- Kung malamig na at buo na, hiwain ito ng pa-cubes.
Gawin ang mga steps na nasa itaas gamit ang iba pang kulay ng gulaman.
b. Para sa jelly plan:

- Sa isang bowl, paghaluin ang itlog, condensed milk, evaporated milk, 1 cup sugar at vanilla essence. Batihing mabuti. Kung may blender mas mainam

- Gumawa ng caramelized sugar gamit ang 1 cup pa ng sugar. Lagyan ng kaunting tubig. Ilagay sa mga llanera.

- Sa isang kaserola, lutuin ang gulaman sa 4 cups na tubig. Hayaan hanggang sa kumulo

- Ilagay ang mga pinaghalong sangkap. Hinaan ang apoy ng kalan.

- Haluin ng haluin hanggang sa pakiramdam nyo ay mabigat na ang paghalo.

c. Para pagsama-samahin a ng lahat:
- Sa bawat llanera o molde, maglagay ng gelatin na magkakaibang kulay. Note: Dapat naka-ready na ito bago lutuin an jelly plan.
- Lagyan naman ng tamang dami ng jelly plan at palamigin.
- Ilagay muna sa fridge bago ihain.

Maaring langyan ng chilled all-purpose cream o gatas na condensada sa ibabaw bago i-serve.

Enjoy!!!!