INIHAW NA TILAPIA with a TWIST


Pasensya na kung hindi kagandahan ang kuha ng pict na entry ko for today. Nang maalala ko kasi na kuhanan ay nilalantakan na ito ng aking mga anak. Buti na lang at may natira pa kahit papaano. Hehehehe.

Alam kong pangkaraniwan na luto na ginagawa sa tilapia ang pag-ihaw. Lalo na kung sariwa o buhay pa ang tilapia, inihaw ang the best na gawing luto dito. Lalagyan mo lang ng kaunting asin, kamatis at sibuyas sa pinaka-tiyan nito ay tiyak na napakasarap na ulam ang inyong kakainin.

Pero mainam di pala na mag-eksperimento tayo ng mga ipalalaman sa mga inihaw na kagaya nito. Kagaya nung inihaw na bangus ko na nilagyan ko pa ng itlog na maalat. Dun ko naisip na gawin din yun sa tilapia na ito na ulam namin nitong nakaraang araw.

Sa halip na itlog na maalat, ginisang bagoong naman ang inilagay ko. Naisip ko lang na di ba masarap yung pinaghalong kamatis, sibuyas at bagoong alamang? At tama nga, masarap at naging kakaiba ang inihaw na tilapia kong ito.


INIHAW NA TILAPIA with A TWIST

Mga Sangkap:
5 pcs. medium size Tilapia (alisin yung palikpik at kaliskis)
5 pcs. medium size Kamatis sliced
1 large size White Onion sliced
2 tbsp. Bagoong Alamang (spicy or sweet)
1 tsp. Maggie Magic Sarap
Salt and pepper to taste
1 tsp. Sesame oil
Olive oil or ordinary cooking oil
Aluminum foil

Paraan ng pagluluto:
1. Linising mabuti ang loob ng tilapia hanggang sa maalis ang madudulas na lamang loob nito. Asinan ito ng konti. Set a side.
2. Sa isang bowl paghaluin ang ginayat na kamatis, sibuyas, bagoong alamang, asin, paminta, maggie magic sarap at sesame oil.
3. Palamanan ng pinaghalong sangkap ang bawat tilapia.
4. Lagyan ng kaunting olive oil ang foil na pagbabalutan ng tilapia. (para hindi dumikit yung skin sa foil)
5. Balutin ito ng foil at i-ihaw sa live na baga o sa kawali hanggang sa maluto.

Ihain habang mainit pa na may kasamang sawsawan na toyo, calamansi at sili.

Enjoy!!!!

Comments

Gio of The Hungry Giant said…
Bagay talaga ito dalhin sa picnic to the beach. hahaha
March 8, 2012 at 10:51 PM
Dennis said…
Thanks Gio. Tama ka..oka na ok ito na dalhin sa picnik sa beach. Siguradong mapaprami ang kain mo. hehehe

Congrats nga pala Gio ha....big time ka na talaga...hehehe. Pa-share naman kung papaano ko pa mapaparami ang traffic d2 sa blog ko. hehehe

Thanks


Dennis
March 9, 2012 at 11:42 AM
karen dj said…
Sir... anong pinagkaiba ng puting sibuyas sa mala-purple ma sibuyas kapag ginamit sa pagluluto??
March 14, 2012 at 5:18 PM
Dennis said…
Hi Ms. karen,

Yung red o mala-purple na onion ay mas strong ang flavor. Ok na ok yun sa mga stew or soup. Yung white naman mild lang ang lasa. Kung baga hindi masyadong mapakla sa dila. Ok ito sa mga stir fry or as raw kainin.
March 14, 2012 at 5:24 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more