PINAKBET OVERLOAD

Nabanggit ko sa previous post ko ang kahirapan sa pagpapakain ng gulay sa mga bagets nating mga anak. Kaya naman ang ginagawa ko na lang ay ang ihalo ito sa karne o isda para kahit papaano ay makakain din sila kahit konti.

Kagaya nitong pinakbet na niluto ko nitong isang araw, sa halip na bagoong lang ang aking inilahok na pampalasa, nilagyan ko pa ito ng hipon at lechong kawali na mga natira sa mga dati naming ulam. (Yun ay kung may matitira pa ha...hehehe). Ang kinalabasan, pinakbet overload. Bakit naman? e parang mas marami pa yung sahog na hipon at lechon kawali kesa sa gulay. hehehehe. Pero wag ka, masarap at nagustuhan ng mga anak ko ang pinakbet na ito. Yun lang, natira talaga ang ampalaya sa kanilang mga plato. hehehehe


PINAKBET OVERLOAD

Mga Sangkap:
250 grams Lechon Kawali cut into cubes
250 grams Hipon
2 tbsp. Bagoong Alamang
Kalabasa
Sitaw
Talong
Okra
Amplaya
Kangkong
5 cloves minced Garlic
1 large Onion sliced
2 pcs. Tomatoes sliced
1 tsp. Brown Sugar
Salt and pepper to taste
2 tbsp. Canola Oil

Paraan ng pagluluto:
1. Sa isang kawali o kaserola, igisa ang bawang, sibuyas at kamatis sa mantika. Halu-haluin.
2. Sunod na ilagay ang hipon at lechong kawali. Lagyan ng 1 tasang tubig at takpan hanggang sa kumulo.
3. Sa gulay, unang ilagay ang sitaw at Okra. Takpan muli. Sunod na ilagay ang talong, amplaya, at kalabasa. Takpa muli.
4. Huling ilagay ang brown sugar, kangkong at ang bagoong alamang. Takpan muli at hayaang kumulo ng mga 2 minuto.
5. Timplahan ng asin at paminta. Tikman ang sabaw at i-adjust ang lasa.

Ihain habang mainit pa.

Enjoy!!!

Note: Walang nakalagay sa dami ng mga gulay. Kayo na ang bahala. Thanks

This is my entry for:
FTFBadge

Comments

Unknown said…
di na ako bagets pero kapareho ko ang mga bagets mo. sa pinakbet, pork o shrimps lang kinakain ko.:p your pinakbet looks delicious.
March 16, 2012 at 6:31 PM
Tetcha said…
Pinakbet with lechong kawali and shrimps, who can resist that? Adding those delectable treats in your pinakbet will surely entice your kids to eat veggies. Visiting back from Delight My Appetite!
March 16, 2012 at 7:40 PM
J said…
Good idea yan kuya for lechon kawali leftovers!
March 16, 2012 at 10:32 PM
iska said…
Ewan ko nga ba kahirap din magpakain ng gulay sa mga bata. Hindi naman nahirapan ang magulang ko sa akin... Infernes, nag-iiba din naman ang taste habang lumalaki.
March 17, 2012 at 7:58 AM
Dennis said…
Thanks Luna for the visit.... Ewan ko ba kung bakit ayaw ng mga bagets ang gulay. Itinuturo naman sa school ang importance nito. hehehe. But I think yung mga madahong gulay ang talagang medyo mahirap kainin. hehehe. Sabi nga nung kapitbahay kong hindi din kumakain ng gulay...para daw kasing kambing kapag kumakain ng dahon ng gulay. hehehehe.
March 17, 2012 at 8:36 AM
Dennis said…
Thanks Tetcha.....Kaya nga ganun ang ginawa ko para mapakain sila ng gulay. Pero kagaya nga ng nasabi ko na...ayun natira ang amplaya sa pinggan. hehehe
March 17, 2012 at 8:37 AM
Dennis said…
Ang tanong J ay kung may matitirang lechon kawali. hahahaha. Actually, aksidente ang pinakbet ko na ito. para kasing alanganin sa amin at baka hindi magkasya kung lechon kawali lang ang iuulam namin. kaya naisipan kong lahukan ng gulay. At eto na nga ang nangyari. hehehehe
March 17, 2012 at 8:39 AM
Dennis said…
@ Iska....Yun nga din ang ipinagatataka ko sa anak kong si james na di kumakain ng gulay. Hindi ko alam kung saan niya natutunan yun samantalang pare-pareho naman kami ng kinakain. Tinatanong ko nga din siya kung bakit pero di din niya masagot. Haayy....
March 17, 2012 at 8:41 AM
anne said…
ako naman, I will bribe them for ice cream para lang kumain ng gulay wahh visiting from FTF> here's mine thanks Sahm’s Dining Diary
March 21, 2012 at 12:00 AM
Dennis said…
Hi Anne...Magastos naman ang pang bribe mo...hehehehe. Sabagay pwedeng yun na lang din ang dessert....2 birds in one stone kung baga. hehehe.

Nag-visit na ako sa blog mo ha...:)
March 21, 2012 at 8:59 AM
cHeErFuL said…
wow, loaded nga po, ang daming healthy goodies...i'm sure your kids enjoyed eating it. at super miss ko na ang pinakbet! salamat sa recipe. visiting po from FTF, hope you can visit me back. thanks and have a great week. :)
March 21, 2012 at 4:35 PM
Dennis said…
Hi cheerful...thanks for the visit. Bagulat ako sa green scrambled egg mo. hehehe. pero i-try ko din yan....heheh


Dennis
March 22, 2012 at 9:06 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more