TORTANG TALONG

Ilang beses na akong bumili ng talong at balak ko talagang magluto ng tortang talong pero di matuloy-tuloy sa di ko maisip na dahilan. Ang nangyayari, nauuwi sa lang ito sa prito o kaya naman ay panglahok sa pinakbet.

Paborito ko talaga ang tortang talong, yun lang kahit simple lang itong lutuin, mabusisis naman dahil kailangan mo pang i-ihaw ito. May nag-tanong nga sa akin kung pwede daw bang i-oven yung tanong. Pwede naman ata kaya lang nag-da-dry yung laman ng talong. Not like kung iihaw mo, juicy pa rin at lasa mo talaga yung smokey taste ng talong.

Kaya naman nitong isang araw ay napawi na din ang pagke-crave ko sa tortang talong. Sarap na sarap talaga ako sa kain ko kaya ayun sira na naman ang diet ko. Hehehe


TORTANG TALONG

Mga Sangkap:
6 pcs. medium to large Talong
2 pcs. Eggs
1 cup All Purpose Flour
1 tsp. Maggie Magic Sarap
Salt and pepper to taste
Cooking oil for frying

Paraan ng pagluluto:
1. I-ihaw ang talong sa baga o kaya naman ay sa regular na cooking stove. I-ihaw ito hanggang sa maluto at umitim na ang balat at pwede nang alisin. Alisin ang balat at mi-press ng konti ang laman ng talong. Huwag hayaang matanggal ang pinaka-tangkay ng talong dahil magagamit ito kapag i-pi-prito na.
2. Sa isang bowl, ilagay ang harina at mga 1/2 cup na malamig na tubig. Haluin ito hanggang sa maging batter.
3. Ilagay na din ang itlog, maggie magic sarap, asin at paminta. Haluing muli. Dapat medyo malapot ang inyong batter.
4. Sa isang non-stick na kawali, maglagay ng kaunting mantika.
5. Ilubog ang talong sa ginawang batter at i-prito sa kaunting mantika.
6. Gamit ang siyanse at hawak ang pinaka-tangkay ng talong, baligtarin ang talong para maluto ang kabilang side.
7. Kung luto na hanguin ito sa isang lalagyang may paper towel.

Ihain kasama ang paborito ninyong tomato o banana catsup.

Enjoy!!!!

Comments

J said…
Pabirito ko rin yan kuya, pero iba ang talong dito sa US eh. Either super laki (parang upo) or bilog na bilog (parang milon!).

Hindi tuloy kami magkasundo hehehe.
March 30, 2012 at 2:49 AM
Dennis said…
Hahaha...masgusto ko pa rin yug native nating talong J....hehehe
March 30, 2012 at 9:54 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/p...
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt...
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg...
Read more