HERBED PINK SALMON & MIXED VEGGIES

Bihira lang kaming makakain nitong pink salmon. May kamahalan kasi ang kilo nito. Siguro from P450 to P550 ang per kilo. Pero kahit may kamahalan, sulit na sulit naman talaga ang lasa nito. Kahit kainin mo ito na raw parang sashimi, panalo talaga sa sarap.

Nitong nakaraang mahal na araw, ito ang isa sa mga niluto ko para sa aming dinner. 1/2 kilo lang ang niluto komo may kamahalan nga. Sinamahan ko na lang ng ginisang gulay para pandagdag sa aming ulam.

Sa gulay, yung packed mixed vegetables lang ang binili ko. May kamahalan din kasi kung bibili ako ng paisa-isang klase. Mura lang ang isang pack nito P50 lang.

Ito ang masasabing penitensya sa karne pero hindi sa sarap. Hehehehe.


HERBED SALMON and MIXED VEGGIES

Mga Sangkap:
1/2 kilo Boneless Pink Salmon (cut into 1 inch thick)
1 tsp. Dried Basil
1 tsp. Dried Oregano
Salt and pepper to taste
Olive oil for frying
1 pack Mixed Vegetables
2 tbsp. Oyster Sauce
3 cloves minced Garlic
1 medium size Onion sliced

Paraan ng pagluluto:
1. Sa isang bowl paghaluin ang asin, paminta, dried basil at dried oregano.
2. Ikiskis sa lahat ng side ng pink salmon ang pinaghalong herbs and spices. Hayaan ng ilang sandali.
3. Sa isang non-stick na kawali, i-prito ang pink salmon sa olive oil hanggang sa maluto.
4. Sa parehong kawali, igisa ang bawang at sibuyas.
5. Ilagay ang mixed vegetable at timplaha ng kaunting asin at paminta. Lagyan din ng kauting tubig. I-stir fry.
6. Ilagay na ang oyster sauce at patuloy na haluin. Huwag i-overcooked.

Ihain ang nilutong pink salmon at mixed veggies habang mainit pa.

Enjoy!!!


This is my entry for: