SINAMPALUKANG MANOK

Ang sinampalukang manok ang kadalasang luto na ginagawa ng aking Inang Lina noong araw sa manok kapag tag-ulan. Pasibol kasi ang puno ng sampalok at marami itong usbong o yung mura nitong dahon na ginagamit na pampa-asim sa sinampalukan.

May recipe na ako nito sa archive pero ang walang dahon ng sampalok akong inilagay. Kaya masasabi kong itong version ko na ito for today ang masasabi kong mas authentic.

Biglaan lang talaga ang pagluto kong ito ng sinampalukang manok. May nakita kasi akong usbong ng sampalok sa palengkeng aking nadaraanan. Nagtataka din ako dahil tag-araw ngayon pero may tinda silang usbong ng sampalok. Well, ewan ko kung saan sila nakakuha nito.

Ang masasabi ko, nagbalik ang aking kabataan ng humihigop na ako ng sabaw ng sinampalukan kong ito. Yun yung lasa ng nakagawian naming iulam noong kami ay bata pa. Naalala ko tuloy ang ang namayapang Inang Lina. She's the best pagdating sa sinampalukan at adobong manok.


SINAMPALUKANG MANOK

Mga Sangkap:
1 whole Chicken (cut into serving pieces)
2 cups Usbong ng Sampalok (i-blender ang 1 cup na usbong kasama ang 1 cup na tubig)
1 small sachet Sampalok Sinigang Mix
1 taling Sitaw (hiwain ng mga 1 inch ang haba)
2 pcs. Tomatoes Quartered
1 large Onion sliced
5 cloves minced Garlic
2 thumb size Ginger sliced
Salt or patis to taste

Paraan ng pagluluto:
1. Sa isang kaserola, igisa ang luya, bawang, sibuyas at kamatis sa kaunting mantika.
2. Ilagay na ang manok at timplahan ng patis. Takpan at hayaang masangkutsa.
3. Ilagay ang na-blender na dahol at takpan muli.
4. Lagyan ng tubig sa nais na dami ng sabaw. Takpan at hayaang kumulo. About 15 miutes.
5. Ilagay na ang sitaw at ang 1 cup pa ng ginayat na usbong ng sampalok. Hayaang kumulo hanggang sa maluto ang sitaw.
6. Ilagay na ang sinigang mix.
7. Timplahan pa ng asin o patis ayos sa inyong panlasa.

Ihain habang mainit pa ang sabaw.

Enjoy!!!!

This is my entry for: