INAY ELO's 88th BIRTHDAY


Last Sunday June 24, 2012, ipinagdiwang ng aking mother in-law na si Inay Elo ang kanyang ika-88 kaarawan.   Kaya naman kaming buong pamilya ay umuwi sa kanilang tahanan sa Batangas para kahit papaano ay maipag-diwang namin ang kanyang kaarawan.

Bale nag-ambag-ambag silang magkakapatid (2 ang nasa ibang bansa) para sa handa.   Gusto daw ng may birthday ay lechon at relyenong bangus.  Kaya naman yun nga ang aming inihanda.


May cake at ice cream na pinagsaluhan para sa meryenda.   Ang kapatid nilang si Beth ang sumagot nito.



Syempre ang lechon na hiniling ng may birthday.   Ang sarap ng lechon na ito.   Malasa ang laman at malutong talaga ang balat.

Komo birthday ang handaang ito, syempre hindi mawawala ang noodles.   Bacon Basil pasta ang aking niluto.   Parang carbonara din siya pero nilagyan ko ng fresh basil for added flavor.


Isa pa sa hiling na handa ay itong relyenong bangus.  Ako ang nagluto nito.   Nagustuhan kasi niya ito noong nagdala ako ung fiesta.  Bale ang kanilang kapatid na si Lita ang sumagot nito.   Nagpadala siya ng pera sa aking asawa at ako lang ang nagluto.


Ito namang Crab Salad Spring Roll na ito ay hiling ng aking asawang si Jolly.   Nabitin ata siya nung father's day na kumain kami nito sa Pizza Hut.  To add a twist, nilagyan ko pa ito ng hinog na mangga at cashew nuts.


Tinolang native na manok naman ang share ng kanilang Kuya Alex.   Ang sarap nito lalo na yung sabaw.   Iba talaga kapag native ang manok na ginagamit sa sinabawan.

Ito namang chilled fruit cocktail ang inambag ng kanilang Ate Pina.   Kakatapos lang daw ng gastos niya nung fiesta kaya ito labng ang nakayanan niya.   Hehehehe


Bakas sa mukha ng may birthday ang kasiyahan nung mga oras na iyun.   Parang lalo siyang sumigla. 

Syempre kagulo ang lahat sa picture-picture.   Tingnan nyo masama na ang tingin ng bunso kong anak na si Anton sa mga pagkain.   hehehehe

Bakas sa mukha ng lahat ang kasiyahan sa mga pagkaing aming inihanda.   Lahat naman sila ay nag-enjoy.

Dalangin ko sa Diyos na sana ay bigyan pa ng marami pang kaarawan ang aking Inay Elo.   Sabi ko nga, kapag umabot siya sa kanyang ika-90 kaarawan ay itotondo na namin ang handa.   hehehe.   Bakit naman hindi?   Bibihira na sa ngayon ang umaabot sa ganoong idad.

Muli...HAPPY BIRTHDAY INAY ELO!!!!!

Comments

J said…
Happy Birthday to your mother-in-law! Bongga ang handa ni Inay Elo! Pakihagis na nga dito yung mga natirang lechon hehehe.

Kuya pinost ko nga pala yung Picadillo na kinopya ko sa blog mo! Check it out!
June 26, 2012 at 7:12 PM
Dennis said…
Thanks J.....Nung MOnday paksiw na lechon ulam namin. hehehehe

Oo nakita ko na yung post mo....regular din akong nagbi-visit sa blog mo...di lang ako nagko-comment....hehehehe.

Hindi ba dapat prito yung itlog? hehehe. Tama yung suggestion mo na quail egg ang ilagay.

Thanks J :)
June 26, 2012 at 8:03 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more