CASHEW CHICKEN - My 1,000th Post

Napaka-espesyal ng posting kong ito for today.   Bakit kamo?   Ito kasi ang aking ika-1,000 na post.   Palakpakan naman dyan!!!!!   Hindi ko lang sure kung ilan ang recipes dito at ang mga events and articles.  Sobra akong natutuwa na sa loob pala ng mahigit 3 taon mula ng sinimulan ko ang food blog kong ito ay nakagawa na ako ng ganitong karaming post at marami dito ay mga recipes.

Pangalawang beses ko pa lang na-try na magluto ng dish na ito.   September 2009 yung unang version.   Para sa akin mas masarap itong second version ko na ito.   Binago ko ng konti ang paraan ng pagluluto at sinamahan ko din ng ibang technique para mas lalo pa itong sumarap.   Kaya naman itong dish na ito ang napili ko para maging ika-1,000 post ko.

Para po sa inyong lahat ito.   Mabuhay! po tayong lahat....


CASHEW CHICKEN 

Mga Sangkap:
1 kilo Chicken Thigh Fillet (walang balat..cut into bite size pieces)
1 cup Toasted Cashew nuts
1/2 cup Oyster Sauce
1/2 cup Soy Sauce
1 medium size Carrot (sliced)
1 large Red Bell Pepper (cut into cubes)
1 cup Leeks (sliced)
1 thumb size Ginger (sliced)
5 cloves minced Garlic
1 large Onion (quartered)
2 tbsp. Brown Sugar
Salt and pepper to taste
1 tsp. Sesame Oil
2 tbsp. Canola Oil
1 tsp. Cornstarch
1/2 tsp. baking Soda

Paraan ng pagluluto:
1.   Timplahan ang manok ng asin, paminta at baking soda.   Hayaan ng ilang sandali. 
2.   Sa isang kawali, igisa ang bawang at luya sa kaunting mantika.
3.   Sunod na ilagay ang manok.  Hayaang masangkutsa.   Halu-haluin.
4.   Ilagay na ang toyo at mga 1/2 tasang tubig.   Hayaang kumulo hanggang sa kumonti na lang ang sabaw.
5.   Ilagay na din ang carrot, oyster sauce at brown sugar.   Hayaan muli ng ilang sandali
6.   Sunod na ilagay ang red bell pepper at leeks.
7.   Tikman ang sauce at i-adjust ang lasa.
8.   Ilagay ang tinunaw na cornstarch para lumapot ang sauce.
9.  Huling ilagay ang sesame oil at saka hanguin sa isang lalagyan.

I-garnish ng hiniwang leeks at toasted cashew nuts pa sa ibabaw bago ihain.

Enjoy!!!!

This is my entry for: