ANTON'S 10th BIRTHDAY

Sa kabila ng mga walang tigil na pag-ulan at pag-baha sa kabuuan ng Maynila at karatig na mga lugar nitong mga nakaraang araw, nag-diwang ng kanyang ika-10 kaarawan ang bunso kong anak na si Anton.   Malayo pa ang araw ay excited na siya sa kanyang birthday.   Ang kanya lang Tita na si Lita at ang kanyang Ninong Regie ang talagang invited niya, kaso nag-baha sa kani-kanilang bahay kaya di sila naka-punta.  Ang nangyari kami ng aking kapitbahay ang nagsalo sa aking mga niluto.

Naging challenge sa akin ang handa sa birthday na ito ng aking bunso.   Bakit naman?   Naubusan kasi kami ng cooking gas at bukod sa wala kaming mabili, baha naman ang mga kalsada kaya hindi makapg-deliver ang iba.   Nag-isip tuloy ako ng dish na pe-pwede sa kuryente lutuin.   Sa awa naman ng Diyos ay nagawa ko ito.   Nakakatuwa dahil masasarap at nagustuhan talaga ng may birthday ang kanyang handa.

Kapag naghahanda ako ng pagkain para sa aking asawa at mga anak para sa kanilang kaarawan, tinatanong ko sila kung ano ang gusto nilang lutuin ko.  Sa aking bunso nga, lasagna ang gusto niyang lutuin ko.   Gumawa din ako ng pizza at yung chicken na dapat sana ay ipa-fried ko lang ay niluto ko na lang sa turbo broiler.  Gumawa din ako ng kani & cucumber spring roll para may gulay.

Syempre hindi mawawala ang cake sa birthday.   Kaya naman kahit kalakasan ng ulan at sobrang traffic dahil sa baha, ibili ko pa rin siya ng cake sa Contis.   Choco Walnut Torte ito na kagay nung binili ko sa birthday ng akibng asawang si Jolly.

The birthday boy and his Mommy enjoying the roasted chicken legs.

Syempre may picture din sila ng sabi niya na kamukha niya...hehehehe.   Ang kanyang Daddy.

Ang bilis talaga ng panahon...ang dating bine-baby kong bunso ngayon ay isang ng malaking bata.   Nagpapasalamat ako sa Diyos at lumalaki siyang malusog at malayo sa mga sakit.   Nung maliit pa siya lapitin talaga siya sa mga disgrasya, salamat na lang at nalampasan niya ang mga ito at hindi na masyado sa ngayon.

Dinadalangin ko sa Diyos na sana ay lagi siyang papatnubayan lalo na sa kanyang pag-pasok sa paaralan.   Malayo nawa siya sa mga disgrasya o kapahamakan..sa mga sakit at karamdaman....at sana ay bigyan pa siya ng marami pang mga kaarawan.   AMEN.

NOTE:    Para sa recipes nung mga pagkain aking inihanda.   Abangan!