CHICKEN and GOURMET SAUSAGE in SPAGHETTI SAUCE


Naka-try na ba kayo nung mga gourmet sausages sa mga supermaket o specialty store like hungarian sausage, italian, bratwurst, frankfurter, kielbasa at iba pa?   Yun lang medyo may kamahalan ang mga sausages na ito.  Nag-re-range ito from P350to P450 per kilo depende sa klase.

Alam nyo ba na masarap ang mga ganitong klase ng sausages sa mga stew?   Malasa kasi ito at punong-puno ng flavor.   Umiiba at sumasarap ang lasa ng simple nating afritada o menudo kapag nilalagyan natin ito ng mga ganitong sausages.   Parang yung mga tradisyunal na dish natin kagaya ng pochero, di ba nilalagyan ito ng chorizo de bilbao para mas maging malasa?

Sabi ko nga, yun lang medyo may presyo ang bawat piraso nito.  Pero kung espesyal na okasyon ang inyong paglalaanan ng ulam na lulutuin nyo kagaya ng anniversary o pasko man, okay lang siguro na lagyan natin ng mga ganito.   Di ba?   Espesyal na ulam sa espesyal na okasyon para sa espesyal na tao.


CHICKEN and GOURMET SAUSAGE in SPAGHETTI SAUCE

Mga Sangkap:
10 pcs. Chicken Legs (cut into 2)
2 pcs. Gourmet Sausages (Hungarian, Italian or Bratwurts...sliced)
2 pcs. Potatoes (quartered)
1 large Carrot (cut same size as potato)
1 tetra pack Spaghetti Sauce (filipino style)
Butter
5 cloves minced Garlic
1 large Onion (sliced)
1 tsp. Maggie Magic Sarap
Salt and pepper ot taste

Paraan ng pagluluto:
1.   Sa isang heavy bottom na kaserola, igisa ang bawang at sibuyas sa butter.
2.  Ilagay na ang manok at timplahan ng asin at paminta.   Takpan at hayaang ng mga 5 minuto para masangkutsa. 
3.   Ilagay na ang sausages, patatas, carrots at spaghetti sauce.   Haluin at takpan muli.   Hayaan kumulo hanggang sa maluto ang patatas.
4.   Timplahan ng maggie magic sarap.  
5.   Tikman ang sauce at i-adjust ang lasa.

Ihain habang mainit pa.

Enjoy!!!!

Comments

Unknown said…
Dennis, Happy new year!
Salamat sa mga recipe mo its a big help for me.. mahilig kasi ako mag luto para sa pamilya ko every sunday walang pasok sa work. una kung na tutunan sayo yung kaldereta niluto ko ito last Nov. birthday ng bunso ko. at nagustuhan nman ng mag office mates ko yung kaldereta. nakakatuwa lang kasi na gustuhan nila. kaya sumula nun palage na ko nag luluto sa mga recipe mo.. Maraming salamat sa talent na sine-share mo sa amin. mabuhay ka!
December 30, 2012 at 11:26 PM
Dennis said…
Salamat....Nakaka-inspire talaga pag nakakabasa ako ng comment na kagaya nito....hehehehe. Mas lalo akong ginaganahan na mag-post pa ng ibang recipe.
January 2, 2013 at 3:48 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more