STUFFED BELL PEPPER with CHICKEN, CRAB STICKS, CHEESE and BASIL


Basta para sa aking pamilya, gusto ko lahat the best.   Pagdating sa mga pang-ulam namin sa araw-araw tinatanong ko sila kung ano ang gusto nila at yun ang aking niluluto.   Lalo na pag mga espesyal na okasyon kagaya ng birthday o anniversary, kung ano ang gusto nila na iluto ko ay yun ang ginagawa ko.

Kagaya nitong nakaraan naming wedding anniversary kahapon.  Sa lahat ng mga naluto kong espesyal na putahe ay gustong-gusto ng asawa ko itong stuffed bell pepper na ito ang isa sa mga paborito niya.   Kaya naman ito ang isa sa mga inihanda ko para sa kanya.

Yun lang may ibang twist akong ginawa dito.   Sa halip na bacon ang aking inihalo sa giniling na manok, crab stick ang aking inilagay.   Also, nilagyan ko din ito ng Japanese Mayo sa ibabaw para mas lalong luminamnam ang lasa.  Try it!  Para sa ating mga mahal sa buhay.


STUFFED BELL PEPPER with CHICKEN,CRAB STICKS, BASIL and CHEESE

Mga Sangkap:
3 pcs. large Bell Pepper (hatiin sa gitna at alisin ang buto)
1/2 kilo ground Chicken
8 pcs. Crab Sticks (cut into small pieces)
1/2 bar grated Cheese
1 cup chopped Fresh Basil Leaves
1 tsp. Sesame Oil
1 pc. Egg (beaten)
1 large White Onion (finely chopped)
1/2 tsp. Maggie Magic Sarap
Salt and pepper to taste
Japanese Mayonaise

Paraan ng pagluluto:
1.   Sa isang bowl, paghaluin lamang ang lahat ng mga sangkap maliban sa bell pepper at Japanese Mayo.   Maaaring mag-steam o mag-prito ng kaunti para malaman kung tama na ang timpla.
2.   Kung ok na ang timpla, ipalaman ito sa bawat hiwa at piraso ng bell pepper.
3.  Lutuin ito sa oven o sa turbo broiler sa init na 250 to 300 degrees hanggang sa pumula ang ibabaw o ang palaman.
4.   Palamigin sandali bago ilagay ang Japanese Mayo sa ibabaw.

Enjoy!!!

Comments

J said…
Uy bago sa akin ang Japanese mayo. Anong pagkakaiba sa regular mayo, kuya?
February 3, 2013 at 8:53 AM
Dennis said…
Thanks J. Halos pareho lang...pero mas malinamnam ito compare dun sa regular na mayo na ginagamit natin.
February 3, 2013 at 4:52 PM
veeeeejay said…
Hello im a newbie dito sa blogsite mo pero super naiinapire nyo po ako magluto.. As in na motivate po tlaga ako.. :)
February 6, 2013 at 9:05 PM
Dennis said…
Thanks veeeejay....basta kung may tanong ka mag-message ka lang sa akin. Also...basta may time ka..pa-click naman nung mga ads para maka-earn ako ng points sa google. Thanks again
February 7, 2013 at 10:05 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more