FRIED CHICKEN FILLET with HONEY-OYSTER SAUCE GLAZE


Never ko pa na-try na paghaluin ang honey bee at oyster sauce para gawing sauce.   Madalas hinahalo ko ang honey sa lemon o kaya naman ay calamansi.   Masarap talaga pag pinagsama ang mga ito.  

Nitong nakaraang araw na nagluto ako ng fried chicken fillet, nag-iisip ako kung anong sauce o dip ang pwede kong gawin.   Wala naman akong calamansi o lemon.   Kung barbeque sauce naman, parang nung isang araw lang ako gumamit nun.   Hanggang sa makita ko itong bote ng oyster sauce na binili ko lang nitong huling pag-go-grocery namin.   Naisip ko lang, bakit hindi ko ito ihalo naman sa honey bee.   Kapag gumagamit ako ng oyster sauce nilalagyan ko ng konting brown sugar at mas lalo itong sumasarap.   Kaya sa tingin ko swak ang pag-combine ng honey bee at oyster sauce.   At tama ako, masarap nga ang kinalabaan ng honey-oyster sauce glaze na ginawa ko.   Hehehehe.   Try it also.


FRIED CHICKEN FILLET with HONEY-OYSTER SAUCE GLAZE

Mga Sangkap:
1 kilo Chicken Thigh Fillet (skin on)
Salt and pepper to taste
1/2 tsp. Maggie Magic Sarap
1 cup Cornstarch
1/2 cup Flour
Cooking oil for frying
For the glaze:
1/2 cup Pure Honey Bee
1/2 cup Oyster Sauce
1 thumb size grated Ginger
5 cloves minced Garlic
1 small Onion (finely chopped)

Paraan ng pagluluto:
1.   Timplahan ng asin at paminta ang chicken fillet.   Hayaan ng ilang sandali.
2.   Ilagay ang harina, cornstarch at chicken fillet sa isang plastic bag.   Isara ang plastic bag at alug-alugin ito hanggang sa ma-coat ng breadings ang lahat ng piraso ng chicken fillet.
3.  I-prito ito ng lubog sa mantika hanggang sa maluto at mag-golden brown ang kulay.   Hanguin sa iang lalagyang may paper towel.
4.   Bawasan ang mantika sa kawali at magtira lamang ng mga 2 kutsara.
5.   Igisa ang luya, bawang at sibuyas.
6.  Ilagay na agad ang oyster sauce at honey bee.   Halu-haluin.   Dapat mahina lamang ang apoy para di masunog ang honey.
7.   Tikman ang sauce at i-adjust ang lasa.
8.  Ibalik sa kawali ang piniritong chicken fillet.   Haluin hanggang sa ma-coat ng sauce ang lahat ng piraso ng chicken fillet.

Ihain habang mainit pa.

Enjoy!!!




-->





Comments

J said…
Ayos talaga ang mga experiment mo, kuya! Lagi masarap kinalalabasan. Suwerte ng family mo = lagi busog at ang food ay cooked with love!
March 4, 2013 at 6:15 AM
Dennis said…
Hehehehe. Thanks J. Yun naman talaga ang ultimate goal ko nung sinet-up ko ang food blog na ito. #1 para sa pamilya and #2 para makapag-share ng aking alam sa pagluluto. I hope nakakatulong talaga ito sa marami. hehehe

Regards,

Dennis
March 4, 2013 at 8:50 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more