CHICKEN FILLET and TOFU in OYSTER and BLACK BEAN SAUCE


Nakabili ako ng 1 kilo na chicken breast fillet.   Dapat sana gagawin ko itong chicken roulade stuffed with chinese chorizo.   Pero hindi ito natuloy sa hindi ko matandaan na dahilan.   Kaya ang nangyari, yung ilang piraso ng chicken breast ay niluto ko na lang na chicken katsu tama lang para sa kakainin ng aking mga anak.   Tuloy, naging alanganin yung natira pang chicken breast para sa isa pang dish.

Dito ko naisipan na bakit hindi ko na lang haluan ito ng gulay.  So parang chopsuey ang kakalabasan.   Kaso hindi pala masyadong mahilig sa gulay ang aking mga anak.  Ang ginawa ko na lang, hinaluan ko ito ng fried tofu at nilagyan ko ng oyster sauce at black bean sauce o tausi.

Also in this dish, ginawa ko yung technique na nabasa ko sa isang blog para mas maging tender ang laman ng manok.  Alam naman natin na medyo dry ang chicken breast.   Ito ay sa pamamagitan ng pag-gamit ng baking soda bago i-marinade ang manok.  Try nyo din po.   Sabi nga ng mga anak ko, malambot nga daw yung manok.


CHICKEN FILLET and TOFU in OYSTER and BLACK BEAN SAUCE

Mga Sangkap:
1/2 kilo Chicken Breast Fillet (cut into cubes)
1/2 kilo or 500 grams Tofu o Tokwa (cut into cubes)
1/2 cup Oyster Sauce
2 tbsp. Black Bean Sauce o Tausi
1/2 cup Soy Sauce
1 tbsp. Rice Wine
1 thumb size Ginger (cut into strips)
1 head Minced Garlic
1 large Onion (sliced)
1 tbsp. Cornstarch
1 tsp. Sesame Oil
1 tbsp. Brown Sugar
Salt and pepper to taste
Cooking Oil for frying
1 tsp. Baking Soda

Paraan ng  pagluluto:
1.  I-marinade ang hiniwang chicken breast fillet sa baking soda sa loob ng 15 minuto.
2.  Hugasan itong mabuti at saka i-marinade naman sa cornstarch, rice wine, asin at paminta.  Hayaan ng 15 minuto muli.
3.   Habang minamarinade ang manok, maaaring i-prito muna ang tofu ng lubog sa mantika hanggang sa maluto at maging crispy.   Hanguin muna sa isang lalagyan.
4.   Magtira ng mga 2 kutsarang mantika sa pinagprituhan ng tokwa at igisa ang luya at bawang.
5.   Isunod na agad ang minarinade na manok at halu-haluin para di manikit.
6.   Ilagay na din ang toyo, black bean sauce, oyster sauce at brown sugar.   Maaaring  lagyan ng tubig kung kinakailangan.
7.   Ilagay na ang sibuyas.
8.  Tikman ang sauce at i-adjust ang lasa.
9.   Huling ilagay ang nilutong tokwa at haluing mabuti.

Ihain habang mainit pa.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more