BEEF in OYSTER SAUCE

Hindi kami madalas kumain ng karne ng baka sa bahay.   Bukod kasi sa may kamahalan ito, medyo may katagalan din ang pagluluto o pagpapalambot nito.  Sa taas ba naman ng kuryente at presyo ng cooking gas ay iiwasan mo talaga na magluto ng ganitong putahe.   Pero syempre kung paminsan-minsan naman ay okay lang.   Hehehehe.

Dapat sana beef na may broccolli ang lutong gagawin ko sa beef na ito.  Kaso nang dumaan ako ng palengke ay wala akong nabiling broccolli.   Isip ako ng mabilis at nang makita ko itong chicharo na ito ay naisip kong iluto ito in oyster sauce.   Pareho din lang ang luto naiba lang ang gulay na naka-lahok.  

Masarap siya at nagustuhan talaga ng aking mga anak.  Naubusan nga ako eh....hehehehe.


BEEF in OYSTER SAUCE

Mga Sangkap:
1 kilo Beef Brisket (whole slabs)
1/2 cup Oyster Sauce
150 grams Chicharo
1 medium size Carrot (cut into strips)
1 tsp. Brown sugar
1 tsp. Sesame Oil
1 tsp. Cornstarch
3 tbsp. Cooking Oil
5 cloves Minced Garlic
1 pc. Onion (sliced)
1 thumb size Ginger (cut into strips)
Salt and pepper to taste

Paraan ng pagluluto:
1.   Pakuluan ang buong karne ng baka sa kaserolang may tubig at konting asin hanggang sa lumambot.   Hanguin at palamigin.
2.   I-slice ang pinalambot na karne ng baka sa nais na laki at kapal.
3.   Sa isang kawali, igisa ang luya, bawang at sibuyas sa kaunting mantika.
4.   Isunod na agad ang hiniwang karne ng baka.   Halu-haluin
5.   Ilagay na din ang oyster sauce at ang hiniwang carrots at chicharo.
6.   Timplahan ng konting asina, paminta at brown sugar.  
7.   Ilagay na din ang tinunaw na cornstarch para lumapot ang sauce.
8.   Tikman ang sauce at i-adjust ang lasa.

Ihain habang mainit pa.

Enjoy!!!!

Comments

Mang Edwin said…
Bakit kasi pinapakuluan pa nyu ang karne ng baka? Sayang kasi ang sabaw, nandun ang linamnam at lasa. Sayang kung hindi gamitin.

So halip na pakuluan yung buong karne sa gayatin, dapat pakuluan nyu ng GAYAT o nahiwa na yung karne. Hanggang maiga sya. So walang natapong sabaw na pinagkuluan. Syempre mas masarap kasi yung lasa ay humalo sa nagayat na karne
June 7, 2014 at 11:51 AM
Dennis said…
Salamat Mang Edwin. Pwede din naman at tama ang sinasabi mo. Ok naman talaga na ganyang pamamaraan ang dapat gawin. Kaso nga medyo may katagalan ang magpalambot ng karne. Kaya ang ginagawa ko, a day before pinapalambot ko na ito para gisa-gisa na lang the following day. May regular 8 hours work po kasi ako, kaya sa pagmamadali ay ganitong pamamaraan ang aking ginagawa.

Salamat po mang Edwin

Dennis
June 9, 2014 at 9:53 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more