PAN-GRILLED CHICKEN FILLET with HICKORY BBQ SAUCE

Na-try nyo na ba itong product ng Clara Ole na Hickory Barbeque Marinade (free advertisement ito ha...hehehehe)?   Nung unang beses kong nagamit ito sa pagluluto ng pork belly, nagustuhan ko talaga at ng aking pamilya yung lasa at yung smokey taste ng karne.   Ito yung lasa ng barbeque na gusto ko.   Kaya naman sinubukan kong gawin din ito sa chicken fillet naman.   Last Sunday kasi kumain kaming pamilya sa World Chicken at dito ko naisip na gamitin din ang marinade mix na ito as a sauce sa pan-grilled na chicken fillet.   As expected masarap ang kinalabasan.   Yummy!!!!




PAN-GRILLED CHICKEN FILLET with HICKORY BBQ SAUCE

Mga Sangkap:
1 kilo Chicken Breast Fillet (skin on)
1 tetra pack Clara Ole Hickory Barbeque Marinade
1 pc. Lemon
1 pc. White Onion (sliced)
1 head Minced Garlic
1 tbsp. Brown Sugar
1/3 cup Soy Sauce
2 tbsp. Cooking Oil
Salt and pepper to taste

Paraan ng pagluluto:
1.   Gamit ang  kitchen mallet, pitpitin ang bawat piraso ng chicken breast fillet hanggang sa nais na nipis.
2.   Timplahan ito ng asin, paminta at katas ng lemon.   Hayaan ng ilang sandali.
3.   I-grill ito sa isang non-stick na kawali hanggang sa medyo pumula ang magkabilang side.   Hanguin sa isang lalagyan.
4.   For the sauce:   I-prito ang bawang sa mantika hanggang sa matusta o mag-golden brown ang kulay.   Hanguin sa isang lalagyan.
5.   Sunod na ilagay ang sibuyas.   Halu-haluin.
6.   Ilagay na din ang toyo, 1/2 cup na tubig, brown sugar at Clara Ole Hickory Barbeque marinade.  Halu-haluin hanggang sa kumulo.  Hinaan ang apoy.
7.   Timplahan ng kaunting asin at paminta.   Tikman ang sauce at i-adjust ang lasa.
8.   Sa bawat piraso ng chicken fillet na niluto, magbuhos sa nais na dami ng ginawang sauce at lagyan ng piniritong bawang sa ibabaw.

Ihain habang mainit pa.

Enjoy!!!!


Comments

Post a Comment

Popular posts from this blog

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

Tinolang Manok

Image
Noong araw ang Tinolang Manok ay isang espesyal na ulam sa mga espesyal na okasyon. Di ba nga dun sa awit na Pamasko may bahagi doon na..."....Kay sigla ng gabi ang lahat ay kay saya...nagluto ang Ate ng manok na tinola....". Kahit naman sa mga probinsya, kapag may mga bisita na dumarating ito din ang inihahanda nila na ulam. Although ngayon parang pangkaraniwan na ang ulam na ito, pero maituturing ko na espensyal pa rin ito para sa akin. Sa recipe natin for today yung tradisyunal na pamamaraan ang ginamit ko at may dinagdag pa ako na twist sa huli. Try nyo at magugustuhan nyo ito. TINOLANG MANOK Mga sangkap: 1 whole chicken cut into serving pieces 200 grams chicken liver 1 medium size Green Papaya Dahon ng sili 2 tumb size ginger (hiwain na parang palito ng posporo) 3 pcs. siling pang sigang 1/2 cloves garlic 1 medium size onion patis pamintang buo achuete ilagay sa 1/2 cup na tubig 1 knorr chicken cube Paraan ng pagluluto: 1. Sa isang kaserola, igisa ang luya, bawang ang si
Read more