BRAISED CHICKEN in HICKORY BARBEQUE SAUCE

Braising ay isang technique sa pagluluto kung saan ang karne ay bina-brown muna sa mainit na kawali at saka lulutuin sa kaunting liquid o sauce hanggang sa maluto.   Ganito ang ginawa ko sa dish na ito gamit ang paborito kong Clara Ole Hickory Barbeque Marinade Sauce.

Yun ang mainam sa panahon ngayon.   Marami nang mga sauces o marinade mixes na available na mas lalong nagpapadali sa atig pagluluto.   Yes, ganito ang ginagawa ko kapag medyo nagmamadali ako sa aking niluluto.   Simple...madali pero hindi tipid sa lasa.

Try nyo din po.


BRAISED CHICKEN in HICKORY BARBEQUE SAUCE

Mga Sangkap:
5 pcs. Chicken Legs (cut into 2)
1 tetra pack Clara Ole Hickory Barbeque Marinade
2 pcs. White Onion (sliced)
1 head Minced Garlic
1 tbsp. Brown Sugar
1/2 cup Melted Butter
Salt and pepper to taste

Paraan ng pagluluto:
1.   Timplahan ng asin at paminta ang bawat piraso ng manok.   Hayaan ng ilang sandali.
2.   Sa isang non-stick na kawali o kaserola, i-prito sa butter ang sibuyas hanggang sa medyo maluto.   Hanguin sa isang lalagyan.
3.   I-prito din ang bawang hanggang sa mag-golden brown ang kulay.   Hanguin sa isang lalagyan.
4.   Hinaan ng bahagya ang apoy at ilagay in 1 layer ang bawat piraso ng manok.   Hayaang ma-brown ang magkabilang sides.
5.  Ilagay na ang Clara Ole Hickory Barbeque marinade at brown sugar.   Haluin ng bahagya at saka takpan.  Hayaang maluto sa mahinang apoy hanggang sa kumonti na lang ang sauce.
6.  Hanguin sa isang lalagyan at ilagay sa ibabaw ang nilutong onion rings at toasted garlic.

Ihain habang mainit pa.

Enjoy!!!!

Comments

Popular posts from this blog

Sinigang na Baboy

Tinolang Manok

FOOD SUGGESTIONS para sa mga MAHAL na ARAW