PAN-GRILLED PORK BELLY


Isa sa mga paborito kong luto sa pork belly o liempo ay inihaw.   Ang problema lang hindi ko magawang mag-ihaw sa bahay komo sa condo nga kami nakatira ng aming pamilya.

Kung bibili ka naman sa mga resto o yung ihaw-ihaw kagaya ng Andoks o Baliwag, medyo may kamahalan ito at mabibitin ka lang sa laki.   Kaya mas mainam pa nga na magluto ka na lang sa bahay.

Para mawala ang pagke-crave ko sa inihaw na liempo, sa halip na iihaw ito sa live na baga ay sa kawali ko na lang ito niluto o pan-grill.   Pwede din yung mga nabibiling stove top na griller.   Yun lang iba pa rin talaga yung ihaw sa baga.  Pero pwede na din.   Masarap pa rin ang kinalabasan ng aking niluto.   Try nyo po itong recipe ko.


PAN-GRILLED PORK BELLY

Mga Sangkap:
1 kilo Pork Belly (piliin yung manipis lang ang taba...pahiwa ng mga 1/2 inch ang kapal)
1 tetra pack Clara Ole Hickory Barbeque Marinade
1/2 can Sprite or 7Up
1 tsp. Ground Black Pepper
1 tsp. Rock Salt
5 cloves Minced Garlic

Paraan ng pagluluto:
1.   I-marinade ang pork belly sa Clara Ole Hickory barbeque marinade, Sprite or 7Up, asin, paminta at bawang.   Hayaan ng mga 1 oras.  Overnight mas mainam.
2.   I-pan-grill ito sa isang non-stick na kawali na may kaunting mantika sa katamtamang lakas ng apoy.   Baligtarin at lutuin naman ang kabilang side.

Hiwain into bite size pieces at ihain na may kasamang sawsawan na toyo na may calamansi.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more