CRISPY SISIG ala JAKE

Nagluto ako ng Lechon Kawali nitong isang araw.   Bale bago ako pumasok sa aking trabaho niluluto ko na ang pang-ulam ng aking mga anak para sa tanghalian at hapunan na din.   Isang ulam lang pangkaraniwan ang niluluto ko para di matrabaho.

Pagdating ko ng bahay kinagabihan laking gulat ko nang ang lechon kawali na niluto ko ay ginawa namang sisig ng panganay kong anak na si Jake.   Tinanong ko siya kung papaano niya ito ginawa at nakakatuwa naman dahil masarap ang niluto niya.   Kaya naman eto at ibinabahagi ko sa inyo ang version ng sisig ng anak kong si Jake.   Try nyo din po.


CRISPY SISIG ala JAKE

Mga Sangkap:
1.5 kilos Pork Belly o Liempo (piliin yung hindi masyadong makapal ang taba)
2 pcs. Dried Laurel leaves
2 pcs. Onion (sliced)
1 head Garlic
1 tbsp. Whole Pepper Corn
3 tbsp. Rock Salt
Cooking Oil for Frying
1 cup Mayonaise
2 pcs. White Onion (chopped)
1/2 cup Butter or Margarine
3 pcs. Siling Pang-sigang (sliced)
3 tbsp. Katas ng Calamansi

Paraan ng pagluluto:
Part 1: 
1.   Sa isang heavy bottom na kaserola, ilagay ang pork belly at lahat ng mga sangkap maliban lamang sa cooking oil. 
2.   Lagyan ng tubig.  Dapat lubog ang pork belly.
3.   Pakuluan ito hanggang sa lumambot ang karne.
4.   Hanguin at saka palamigin.
5.  Tusuk-tuskin ng tinidor ang balat na parte sa lahat na bahagi.
6.  I-slice ito ng mag 1/2 inch ang kapal.
7.   Ilagay sa freezer at hayaan ng overnight.
Part 2:
8.   Magpakulo ng mantika sa isang kawali.   Dapat mga 1 inch o higit pa ang lalim nito.
9.   Kapag kumukulo na ilagay na ang bawat piraso ng hiniwang pork belly straight from the freezer.   Ang mainam sa prosesong ito, hindi ito magpupuputok kapag piniprito.
10.   I-prito ito hanggang sa mag-golden brown ang kulay ang mag-pop na ang balat.
11.   Hanguin sa isang lalagyan na may paper towel.
Part 3:
12.   I-chopped ng maliliit ang lechon kawali.
13.   Sa isang  non-stick na kawali, igisa ang sibuyas sa butter o margarine
14.   Isunod na agad ang tinadtad na lechon kawali, hiniwang siling pang-sigang at katas ng calamansi.   Halu-halo lang
15.   Patayin ang kalan at ihalo naman ang mayonaise.

Ihain habang mainit pa.

Enjoy!!!!


Comments

Anonymous said…
namana po ba ng mga anak ninyo ang husay ninyo sa pagluluto?
May 14, 2016 at 10:39 AM
Dennis said…
Mukhang mya future....hehehehe. Actually, nagte-take siya ngayon ng HRM sa college and after nun magku-culinary daw siya. Support lang ang daddy....hehehehe
May 16, 2016 at 9:47 AM
Anonymous said…
wow, nakakatuwa. kung ano talaga ang nakikita ng bata at nakagisnan sa tahanan, nagiging bahagi nila at ng kanilang mararating sa buhay. idol talaga kayo. masuwerte ang mga anak ninyo. regular reader po ako, bihira lang mag-comment.
May 16, 2016 at 4:03 PM
Dennis said…
Salamat kaibigan..sana nagpakilala ka para na-address kita ng mabuti. At salamat sa patuloy mog pag-suporta sa blog kong ito.
May 16, 2016 at 4:34 PM
Unknown said…
Nkktuwa n my ktulad nyong ngsheshare ng mga niluluto nyo,slmt po,ung dish po s blog nto at ngawa q na at ang srp tlga.tnx Kua Dennis s share mong mga dish sna mrmi p po kaung mailutong kakaiba god bless po.
August 6, 2016 at 3:21 PM
Dennis said…
Salamat...Basta may katanungan ka sa mga recipes mag-post ka lang. Sasagutin ko ito sa abot ng aking makakaya.

Pakilala ka naman para ma-address kita properly.

Thanks

Dennis
August 12, 2016 at 9:59 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more