LASAGNA ROLL
First time ko lang itong ginawa. Yung regular na lasagna yes nakagawa na ako pero itong naka-roll ngayon pa lang talaga.
Actually halos pareho lang ang proseso sa pagluluto nito. Ang pagkakaiba lang, sa halip na i-layer yung lasagna sheets ipinapalaman yung meat at sauce at saka niro-roll. Importante din na i-top ito ng quick melt cheese at fresh chopped basil leaves. Yummy!!!!
LASAGNA ROLL
Mga Sangkap:
10 pcs. Lasagna Pasta
500 grams Ground Pork or Beef
1 can Sliced Mushroom
1/2 cup Tomato Paste
1 cup Quick Melt Cheese
1/2 cup Melted Butter1/2 tsp. Dried Oregano
1/2 tsp. Dried Basil
1/2 tsp. Dried Parsley
5 cloves Minced Garlic
1 pc. Large White Onion (chopped)
Salt and pepper to taste
For the sauce/garnish:
4 cups Spaghetti Sauce
2 cups Grated Quick melt Cheese
1/2 cup Chopped Fresh Basil Leaves
5 cloves Minced Garlic
1 pc. Onion (chopped)
2 tbsp. Cooking Oil
Paraan ng pagluluto:
1. Pakuluan ang lasagna pasta hanggang sa maluto. Dapat well-done ang pagkaluto nito. Pagkahango sa kalan hayaan munang umalsa ang pasta sa pinaglagaan. I-drain.
2. Para sa palaman: Sa isang kawali igisa ang bawang at sibuyas sa butter.
3. Sunod na ilagay ang giniling na baboy o baka at timplahan ng asin at paminta. Halu-haluin hanggang sa mawala ang pagka-pink ng karne.
4. Sunod na ilagay ang mga herbs. Dried basil, oregano at parsley.
5. Ilagay na din ang sliced mushroom1 tomato paste at 1 cup na grated cheese. Hayaan ng mga 5 minuto na hinahalo.
6. Tikman at i-adjust ang lasa. Palamaigin.
7. For the sauce: Igisa ang bawang at sibuyas sa mantika.
8. Ilagay na din ang pasta o spaghetti sauce. Tikman at i-adjust ang lasa.
9. To assemble: Sa bawat sheet ng lasagna pasta, maglagay ng tamang dami ng palaman.
10. I-roll ito at ilagay sa isang baking dish o lalagyan.
11. Ibuhos ang mainit na sauce sa ibabaw at ibudbod ang quick melt cheese at chopped fresh basil leaves.
Ihain habang mainit pa.
Enjoy!!!!
Comments