Chix and Chips

Last night, ito ang dinner namin. Ilang weeks ko nang binabalak na magluto ng fried chicken na kagaya nung sa Max Restaurant. Ofcourse alam naman natin na trade secret nila yun and I don't know kung may nakagaya na talaga ng recipe nila. May mga nabasa na ako sa ibang food blog sa recipe nito at yun ang pinagbasihan ko sa nilutong kong ito. Hindi man kasing sarap ng sa Max pero masasabi ko na masarap din ang kinalabasan ng luto kong ito.

CHIX AND CHIPS

Mga sangkap:

1 whole chicken cut into half

3 tbsp. salt

1 tsp. pepper

2 small sachet maggie magic sarap

1 cloves garlic

1 medium onion

1 small grated ginger

2 large size potato (Hiwain na parang french fries)

cooking oil for frying

Paraan ng pagluluto:

1. Paghaluin ang asin, paminta at maggie magic sarap

2. Sa pinaghating manok, ikiskis o imasahe ang mg pinahalong sangkap sa #1. Hayaan ng mga 1 oras bago lutuin.

3. Sa isang kaserola, ilagay ang bawang, sibuyas, luya at paminta sa 5 na tasang tubig. Maaring dadagan pa ng asin. Hayaang kumulo sa loob ng 5 minuto.

4. Ilagay ang minarinade na manok. Lagyan ng 1 sachet na maggie magic sarap. Takpan hanggang sa maluto.

5. Hanguin sa isang lalagyan at hayaang lumamig.

6. Sa isang kawali, magpakulo ng mantika. Dapat nakalubog ang kalhati ng manok na ipi-prito.

7. Kung kumukulo na, unang i-prito ang patatas. Kung luto na, hanguin at ilagay sa paper towel para maalis ang sobrang mantika.

8. I-prito na ang manok. Buhos-buhosan ng mantika ang katawan ng manok.

9. Hanguin at ilagay sa isang lalagyan.

10. I-pritong muli sa kumukulong mantika para mas maging malutong ang balat ng manok.

11. Ihain habang mainit kasama ang pritong patatas.

Enjoy!!!