Egg Surprise and Nido Soup

Remember the pasta dish with meat balls na na-post ko 2 or 3 days ago? Yung mga sangkap na ginamit sa bola-bola is the same refipe na ginamit ko sa entry natin for today. Sabi ko nga sa post ko yesterday, dapat may mga twist tayong ginagawa para hindi maging boring ang ating eating esperience.

Yung pangalan ng dish hindi ko matandaan kung saan ko nakuha. Pero alam ko may dish na ganito talaga. Nang i-check ko sa net hindi ganito ang recipe ng ginawa ko. Actually kaya ito ang ipinangalan ko kasi may element of surprise...hehehehe. Kung baga, parang bola-bola lang siya pero pag hiniwa mo may egg pala sa loob. Hehehehe

Ito ang dinner namin last night, and it's a success.

EGG SURPRISE

Mga Sangkap:

8 hard boiled egg
1/2 kilo Pork Giniling
1 cloves garlic finely chopped 2 medium onion finely chopped
1 small sachet Maggie Magic Sarap
1 egg
1/2 cup all purpose flour
2 tbsp. soy sauce
1 carrots grated or finely chopped
3 cups cooking oil
Salt and Pepper

2 cups japanese bread crumbs

Paraan ng pagluluto:

1. Paghalu-haluin lang ang lahat ng sangkap maliban sa itlog, bread crumbs at cooking oil

2. Balutin ang itlog ng pinaghalong mga sangkap at igulong sa bread crumbs. Ilagay muna sa isang lalagyan.

3. Painitin ang mantika sa isang kawali. Dapat mainit na mainit ang mantika.

4. I-prito ang mga ginawang itlog na binalutan ng giniling hanggang sa maluto.

5. Hiwain sa gitna at ihain na may sawsawan na catsup o pinaghalong mayonaise at minced garlic.

Sa dinner namin na ito, nagluto din ako ng instant nido soup. Knorr Chinese style soup ang ginamit ko. Masarap talaga.

Kain na tayo!