Egg Canapes



Madali lang ang entry natin for today. Ilaga lang ang itlog at konting halo halo ayos na. Actually, masarap na handa ito sa mga parties or cocktails. Wala lang naisipan ko lang na gumawa nito last night. Marami pang mayonaise na sobra dun sa ginawa kong kani & cucumber salad and presto may bagong recipe na naman ako. Di ba nga kaming mag-asawa lang sa bahay, so hindi talaga ako nagluluto ngayon ng pangmaramihan lagi....hehehehe.

Ang masasabi ko lang, marami kang pwedeng gawin sa recipe na ito. Siguro kailangan lang ng konting imagination at tamang pag-blend ng mga sangkap para mas lalong sumarap ang food.


EGG CANAPES

Mga Sangkap:

4 large size hard boiled egg

1/2 cup Lady's Choice mayonaise

1/2 cup grated cheese

1 tbsp. chopped fresh basil leaves

salt and pepper


Paraan ng paggawa:

1. Balatan ang nilagang itlog.

2. Bago hiwain sa gitna ang itlog, tapyasan muna ng kapiraso ang magkabilang gilid ng itlog para madaling tumayo pag nahati na.

3. Hatiin sa gitna ng pula ang itlog

4. Ilagay sa isang lalagyan ang pula ng itlog at durugin

5. Ihalo ang mayonaise, cheese, chopped basil leaves, asin at paminta (kaunti laman ang asin dahil maalat na ang cheese)

6. Matapos paghaluin ang mga sangkap, ilagay ang mga 1 kutsarita nito sa butas ng hinating itlog.

Maaring ipatong ang itlog sa hiniwang french bread o kaya naman sa fita biscuit.


'Till next.....Enjoy!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more