BUKO PANDAN



Ang dali-dali lang ng entry natin for today. Isang pang-himagas na pwedeng-pwede na ihain sa mga espesyal na okasyon. Just like me, paborito ko ito....hehehehe


Noon ko pa binabalak na gawin ang dessert na ito. Meron pa kasi akong Mr. Gulaman na natira last christmas. Kulay green at ito nga ang balak kong gawin dito. Nung first time kong ginawa ito, medyo hindi maganda ang kinalabasan. Madali kasing napanis. Hindi ko alam kung bakit...Dahil siguro fresh buko ang ginamit ko dito. Ewan ko lang.


Dito sa ginawa ko, mga bottled sweet buko ang ginamit ko. Sinamahan ko na din ng sweet nata de coco para mas masarap ang kalabasan. At hindi nga ako nagkamali. At isa pa, fresh pandan leaves ang ginamit ko kaya natural na natural ang lasa ng pandan.


BUKO PANDAN


Mga Sangkap:

2 cups. of bottled sweet coconut strips

2 cups. of bottled sweet nata de coco

1 sachet Green Mr. Gulaman powder mix

1/2 cup of sugar

6 cups of water

2 pcs. Fresh Pandan Leaves

1 small can all purpose cream

1 small can alaska condensed milk



Paraan ng pagluluto:

1. Sa isang kaserola, pakuluan ang pandan leaves sa 6 na tasang tubig. Hayaang kumulo ng mga 10 minuto para mas lumabas ang flavor ng pandan.

2. Alisin ang dahon ng pandan at ilagay ang Mr. Gulaman powder mix at asukal. Halu-haluin

3. Hanguin at ilagay sa mga square na lalagyan. Hayaang lumamig hanggang sa mabuo.

4. Hiwain ang gulaman ng pa-cube at ayon sa tamang nais na laki. Ilagay sa isang bowl.

5. Ihalo ang sweet coconut strips, nata de coco, cream at condensed milk. Halu-haluin.

6. Palamigin sa fridge bago ihain.


Enjoy!!!!

Comments

Cool Fern said…
gumawa ang sis in law ko nito nong anjan ako..napakasarap nito,dennis..
kaya lang nakakataba..hahaha
June 25, 2009 at 12:10 AM
Eva said…
yung sweet coconut strips ba pareho noong bottled makapuno? what brand do you use?
June 25, 2009 at 7:30 AM
Dennis said…
Sinabi mo Cool Fern....pero masarap talaga. mas mainam kung matagal mong pakuluan yung dahon ng pandan sa paglulutuan ng gelatin. Mas nalalasahan mo yung lasa ng pandan. Kung baga natural hindi yung atificial flavor lang.
June 25, 2009 at 8:28 AM
Dennis said…
Hi Eva....Magkaiba yung sweet coconut strips at macapuno. Pwede din din siguro ang macapuno pero iba na ang magiging pangalan ng dessert mo....macapuno pandan na...hehehehe. Hindi ako partikular sa brand....basta nakalagay dun sa label coconut strips nga...so buko yun.

Also, hindi mo na kailangan ng sugar kung bottled sweet coconut ang gagamitin....not like kung fresh buko. Sabi ko nga madaling mapanis kung fresh cococnut ang gagamitin.

Try mo ito eva...masarap talaga.

Dennis
June 25, 2009 at 8:31 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more