Chicken, Mushroom & Potatoes in Creamy White Sauce

Eto na naman ang isang dish na masasabi kong experimental.....Basta inilagay ko lang kung ano ang available sa fridge and presto may ulam na kami. At puring-puri ng mga anak ko ha. Hehehehehe....Walang nang herb or spices akong inilagay. Kung baga basta gisa-gisa lang siya and ayun. It's a simple dish na napaka-daling lutuin. Try nyo! Masarap din itong pambaon ng mga kids at tayo na din.

Yung picture sa itaas ay nung niluluto ko ito at wala pa yung milk.

CHICKEN, MUSHROOM & POTATOES in Creamy White Sauce

Mga Sangkap:

1 kilo chicken thigh fillet

3 pcs. patatas (Hiwain ng apat)

1 big can Jolly whole button mushroom (hiwain sa gitna)

1 small can Alaska Evap (Yung red label ha)

3 cloves minced garlic

1 medium size onion chopped

1 thumb size ginger grated

4 pcs. calamansi

salt and pepper

butter for frying

1 tsp. cornstarch

Maggie magic Sarap (optional)

Paraan ng pagluluto:

1. I-marinade ang chicken fillet sa asin, paminta, calamansi juice at maggie magic sarap ng mga isang oras. Mas matagal mas mainam.

2. Sa isang non-stick pan o kawali, i-prito ang chicken fillet sa butter hanggang sa pumula ng kaunti ang balat ng manok. Hanguin sa isang lalagyan.

3. Sa kaparehong kawali, igisa ang luya, bawang at sibuyas. Halu-haluin.

4. Ilagay ang piniritong manok. Lagyan ng kaunting tubig at takpan.

5. Makaraan ang mga 3 minuto, ilagay ang patatas at takpan muli. Lagyan ng tubig kung kinakailangan.

6. Ilagay ang mushroom kung luto na ang patatas. Ilagay na din ang alaska evap. Timpahan pa ng asin, paminta at maggie magic sarap kung kinakailangan. Hayaan kumulo ng mga 2 minuto.

7. Lagyan ng tinunaw ng cornstarch para lumapot ang sauce.

Ihain habang mainit.

Hanggang sa muli......