PASTA CARBONARA version 2

Nung isang araw ni-request ng kapitbahay kong si Ate Joy na ipagluto ko siya ng Pasta Carbonara. Birthday kasi ng kapatid niyang madre na si Sister Mercy. Dadalhin daw niya sa kumbento. Komo ang supiryorya ni sister ay isang Italyana, minarapat kong sarapan talaga ang lutuing ito syempre para hindi naman tayo mapahiya. Pinakumpleto ko talaga ang mga sangkap. So eto nga ang kinalabasan.

PASTA CARBONARA version 2

Mga Sangkap:

1 kilo Spaghetti Pasta

250 grams smoked ham cut into strip

250 grams bacon cut into small pieces

2 cans Nestle all purpose cream

1 tall can Alaska Evap (Red label)

1 tall can Sliced mushroom

1 bar cheddar cheese grated

1/2 cup butter

2 large red onion chopped

1 cloves minced garlic

salt and pepper

Maggie Magic Sarap (Optional)

olive oil

Paraan ng pagluluto:

1. Iluto ang pasta ayon sa tamang paraan. Huwag i-over cooked. Hanguin sa isang lalagyan.

2. Sa isang kawali o non-stick pan, i-prito ang bacon hanggang sa pumula. Hanguin sa isang lalagyan

3. Ilagay ang butter at igisa ang bawang at sibuyas. Ilagay na rin ang sliced mushroom.

4. Ilagay na rin ang ham at halu-haluin ng mga isang minuto.

5. Ilagay ang all purpose cream, alaska evap at kalhate ng grated cheese

6. Timplahan ng asin, paminta at maggie magic sarap. Halu-haluin

7. Lagyan ng olive oil ang pasta at i-toss

8. Ilagay dito ang sauce at halu-haluin

9. Ilagay sa isang lalagyan at ilagay sa ibabaw ang piniritong bacon at natitira pang cheese.

Ihain na may kasamang toasted garlic bread o bread stick.

Enjoy!!!