ROAST PORK in SALT & PEPPER




Noong araw, hindi naman uso ang kung ano-anong pampalasa sa ulam. Basta may asin at paminta ok na ang pang-ulam. Ang adobo nga nilagyan lang ng suka, asin at paminta ay solved na. Kung papansinin nyo ang mga classic nating pang-ulam, simpleng-simple lang ang mga sangkap. Yun naman ang mas mainam. Kapag marami kasing sangkap, lalo na yung mga pampalasa, natatabunan na yung tunay na sarap ng niluluto.

Yun ang naging batayan ko sa pagluluto ko ng ating entry for today. Roast pork siya na niluto sa turbo broiler (pwede din sa oven). Yung mga nauna kong roast pork recipe di ba maraming mga herbs an d spices akong inilagay. Not this one. Asin at paminta lang ang inilagay ko. Hiniwaan ko lang ang laman ng karne para manuot ang asin at paminta sa loob ng laman.

Also, hindi ako nag-concentrate sa pagpapalutong ng balat. Yung sa lasa ng laman talaga ang focus ko dito. At ang kinalabasan naman, masarap at lasang-lasa ang sarap ng karneng baboy.

At para sa sawsawan naman? Suka na may bawang, asin at paminta.....solve na solve na ang kain nyo nito....hehehehe


ROAST PORK in SALT & PEPPER


Mga Sangkap:


1.5 kilo Pork Liempo (yung manipis lang ang taba) Ang ginamit ko dito ay yung part hg porkchop pero wala yung buto.

1-1/2 Rock salt

1 tsp. Black pepper (Buo at saka durugin)



Paraan ng pagluluto:

1. Hugasang mabuti ang karne

2. Hiwaan ng pa-cross ang laman ng karne (tingnan ang nasa larawan sa itaas)

3. Paghaluin ang asin at paminta

4. Ikaskas ito sa laman ng karne hanggang sa kasingit-singitan.

5. Hayaan muna ng mga 1 oras.

6. Lutuin ito sa turbo broiler o oven sa init na 350 degrees. Nakataas yung part ng laman.


Ihain habang mainit pa. Maaring hiwain sa nais laki. Isama ang sawsawang suka na may bawang, asin at paminta.


Enjoy!!!

Comments

Holiday Recipes said…
http://luxuryrecipes.blogspot.com/2011/01/herb-roast-pork.html
January 9, 2011 at 2:35 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more