NILASING NA HIPON

Noon ko pa gustong i-try ang dish na ito, hindi matuloy-tuloy kasi nga may kamahalan ang hipon. Pero komo nga dadalawa lang kami ngayon, pwede ko itong i-try para sa kalhating kilo lang na hipon. At last....hehehehe

Nang i-check ko ang recipe sa pagluluto nito, nagtataka ako kasi ang daming version. So hindi ko alam kung alin ang tama. Yung iba kasi may sauce. Yung iba naman fried. Well, kahit alin man ang tunay sa mga ito basta ang tawag dito nilasing na hipon . Hehehehe

Try it! Masarap ito as a main dish o kaya naman ay pulutan.

NILASING NA HIPON

Mga Sangkap:

1/2 kilo Hipon or Sugpo (alisin ang balbas)

1 bottle San Mig lights (beer)

3 cups All purpose flour

1 tsp. Garlic Powder

1 tsp. Maggie Magic Sarap

salt and pepper to taste

cooking oil for frying

Paraan ng pagluluto:

1. Ibabad ang hipon sa beer at timplahan ito ng asin at paminta. Hayaan itong mababad sa loob ng isang araw.

2. Sa isang zip block o plastic bag, ilagay ang hipon, garlic powder at maggie magic sarap.

3. Lagyan ng kaunting hangin ang loob ng plastic bag, isara at alug-alugin.

4. Ilagay na din ang harina sa plastic bag at patuloy na alug-alugin hanggang sa ma-coat ng harina ang lahat ng hipon.

5. Ilagay muna sandali sa frezzer ang mga hipon para kumapit ng husto ang harina.

6. Sa isang kawali, i-prito ang hipon hanggang sa pumula at maluto.

7. Hanguin sa isang lalagyang may paper towel para maalis ang excess na mantika.

Ihain kasama ang sawsawang suka na may sili o kaya naman ay mayonaise na may paminta at olive oil.

Enjoy!!!!