ADOBONG ATAY BALUN-BALUNAN AT SITAW

Ang Adobo marahil ang maituturing nating pambansang ulam o pagkain. Bakit ba naman? Kahit saang panig ng ating bansa o maging sa mga pinoy na nasa ibang bansa, hindi maaring hindi nila alam lutuin ang adobo. Mapa manok man ito o baboy, isda man o gulay, patok na patok sa atin ang lasa nito.

Kung gagawa ng cookbook, marahil sa adobo pa lang ay makakabuo ka na ng isang buong libro. Napakarami kasing klase, sangkap, pamamaraan ang pwede mong gawin dito. May nabasa nga ako ginawa pa niyang gourmet ang dating ng kanyang adobo.

Kung magkakaroon nga tayo ng pambansang ulam, marahil ay ang adobo ang mangunguna sa pagpipilian.

Marahil kaya naging popular ito sa kahit anong parte n gating bansa ay dahil sa simplicity at hindi komplikadong pagluluto nito. Hindi rin ito madaling mapanis dahil may suka itong sangkap.


ADOBONG ATAY BALUN-BALUNAN AT SITAW

Mga Sangkap:
½ kilo Atay at Balun-balunan ng Manok (cut into bite size pieces)
1 tali Sitaw (cut into 1 inch long)
½ cup Vinegar
½ cup Soy Sauce
1 tbsp. Oyster Sauce
5 cloves Minced garlic
½ tsp. ground black pepper
1 tsp. Brown Sugar
1 tsp. cornstarch
1 tbsp. Cooking oil

Paraan ng pagluluto:
1. Sa isang kawali o kaserola, igisa ang bawang sa kaunting mantika hanggang sa mag-golden brown ang kulay.
2. Ilagay una ang balun-balunan dahil mas matagal itong maluto. Halu-haluin.
3. Lagyan ng 1 tasang tubig. Timplahan ng kauting asin. Takpan at hayaang maluto. Maring lagyan pa ng tubig kung kinakailangan pa hanggang sa lumambot ang balun-balunan.
4. Kung malambot na ang balun-balunan, ilagay ang atay ng manok.
5. Timplahan ng suka, toyo, oyster sauce at paminta.
6. After ng mga 5 minuto, ilagay ang sitaw at brown sugar.
7. Tikman ang sauce at i-adjust ang lasa.
8. Lagyan ng tinunaw na cornstarch para lumapot ang sauce.

Ihain habang mainit pa.

Enjoy!!!!