LECHON KAWALI version 2


One of my favorite dish ang Lechon Kawali. Ofcourse the best pa rin ang real na lechon. Hehehehehe. Komo may kamahalan ang totoong lechong baboy, lechong kawali ang pwedeng ipalit.
May entry na ako sa archive for lechong kawali. Kung baga, itong entry ko for today is the improved version.
Sa pagluluto ng lechong kawali, importante kung papaano mo ito papakuluan o palalambutin. Pwede tayong gumamit ng kung ano-anong herbs and spices para mas sumarap ang ang lechon. Di ba ang lechon Cebu ganun ang ginagawa? Kaya naman panalo talaga ang lasa ng lechon nila.
Also, ini-sliced ko ng mga 1/2 inch ang kapal ng liempo bago ko ito pinirito. Ginawa ko ito para mas maging crispy ang laman at balat ng liempo.
Isa pa, huwag kakalimutan na i-freezer muna ang pinalambot na liempo bago i-prito. Sa pamamagitan nito hindi masyadong matilansik ang mantika habang pini-prito.

LECHON KAWALI version 2

Mga Sangkap:
1.5 Kilo Liempo (Piliin yung hindi masyadong makapal ang taba)
3 pcs. Dried Laurel leaves
1 tsp. Dried Rosemary
1 tsp. Whole Pepper corn
1/2 cup Rock salt or more

Paraan ng pagluluto:
1. Sa isang kaserola, ilagay ang lahat ng sangkap at lagyan ng tubig. Dapat nakalubog ang karne sa tubig.
2. Pakuluuan ito hanggang sa lumambot.
3. Palamigin at ilagay sa pinakamalamig na parte ng freezer. Mas mainam na naka-freezer ito ng mga 2 araw bago lutuin.
4. From the freezer, i-prito ito ng lubog sa kumukulong mantika. Takpan ang kawali o kaldero para hindi tumilansik ang mantika.
5. Maaring lagyan ng tubig ang pinirito para mag-pop ang balat at para mas malutong ito.
6. Lutuin hanggang sa pumula ang balat.
7. Hanguin...palamigin...at hiwain ayon sa nais na laki.

Ihain na may kasamang Sarsa ng lechon o kaya naman ay suka na may calamansi, toyo at sili.

Enjoy!!!!

Comments

Lady Patchy said…
ahaha! lulutuin ko ito pag uwi ko ng pinas ,sooonn...
July 5, 2010 at 5:31 PM
Dennis said…
Uy! kailan ka uuwi? pasalubong ha....hehehehehe
July 5, 2010 at 8:47 PM
J said…
I tried frying lechon kawali, and it made a mess in my kitchen! As in puro mantika kahit saan hehe. So I learned my lesson - ino-oven ko na lang haha.
July 5, 2010 at 9:12 PM
Dennis said…
J...subukan mo yung payo ko.....i-freezer mo muna ng mga 2 hanggang 3 araw yung pinalambot na liempo saka mo siya i-prito sa kumukulong mantika. Yung heavy bottom na kaldero ang gamitin mo na may takip. Tingnan mo hindi siya magkakaganyan....hehehehe. Also, yung manipis lang ang taba ng liempo na bilhin mo. Yung taba kasi ng baboy ang nagpapatilansik sa mantika.

Dennis
July 6, 2010 at 7:27 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more