LUGAW TOKWA BABOY

Noong araw, mayroon kaming maliit na carinderia na pinamamahalaan ng aking Inang Lina. Ofcourse, tulong-tulong kami sa pagpapatakbo nito. Kaya nga natuto ako at nakahiligan ko ang magluto.

Meryenda at lutong ulam ang itinitinda namin. Mayroon kasing pabrika malapit sa aming tindahan kaya naman nagluluto kami ng meryenda sa umaga at pati na din sa hapon.

Isa sa madalas naming itinda na meryenda ay itong Lugaw Tokwa baboy. Mabiling-mabili ito hindi lang sa sarap ng lugaw kundi pati na rin sa sarap ng suka ng ginagamit namin sa tokwa't baboy. Iniluluto muna kasi namin ito kung baga ay pinakukuluan para maging mas masarap.

Ito ang naisipan kong ihanda na almusal nitong nakaraang Linggo. Nakakatuwa naman at nagustuhan ng aking asawa at mga anak. Nagbalik ala-ala tuloy yung panahon na nagtitinda kami nito....hehehe.


LUGAW TOKWA BABOY

Mga Sangkap:
1 & 1/2 cup Malagkit na bigas
1/2 kilo Ulo ng baboy o Liempo
2 blocks Tokwa
1 cup Vinegar
1 cup Soy sauce
1 tbsp. sugar
1 pc. Red onion Finely chopped
1 pc. White Onion sliced
2 heads Minced Garlic
Maggie magic Sarap (optional)
Salt to taste

Paraan ng pagluluto:
1. Sa isang kaserola, pakuluan ang ulo ng baboy o liempo hanggang sa lumambot. Lagyan ng kaunting asin. Hanguin sa isang lalagyan.
2. Ilagay ang ginayat na sibuyas at hinugasang malagkit na bigas sa pinagpakulan ng baboy. Palaging hahaluin para hindi magtutong ang lugaw. Hayaang kumulo hanggang sa maging lugaw.
3. Timplahan ng asin at maggie magic sarap ayon sa inyong panlasa.
4. Sa isang kawali, i-prito ang tokwa hanggang sa maluto. Hanguin at ilagay muna sa isang lalagyan.
5. Sa parehong kawali, i-prito ang bawang hanggang sa mag-golden brown ang kulay ito. Hanguin sa isang lalagyan.
6. Hiwain ang nilagang baboy ng pa-cube o sa nais na laki. Hiwain na din ang tokwa sa pareho laki.
7. Lagyan ito ng kalhati ng ginayat na sibuyas na pula.
8. Para sa suka, pagsama-samahin ang suka, toyo, asukal, asin at natira pang sibuyas.
9. Pakuluan ito ng mga 2 minuto. Huwag hahaluin.
10. To assemble: Maglagay ng lugaw sa isang bowl at lagyan ito ng piniritong bawang sa ibabaw. Maglagay ng tamang dami ng tokwa at baboy sa isang bowl din at lagyan ng pinakulong suka at toyo.

Ihain habang mainit pa.

Enjoy!!!!

P.S.
Pasensya na pala at walang picture yung lugaw. Sa bilis niyang maubos hidi ko na siya na-picture-an...hehehehe. Thanks

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more