PINOY MENUDO


Sa amin sa Bulacan hindi mawawala ang Menudo kapag may mga espesyal na handaan katulad ng binyagan, kasalan, fiesta o kahit birthday man. Kung sa Batangas ay caldereta, sa amin sa Bulacan ay itong menudo.

Ang hindi ko lang talaga makuha ay kung paaano nila ito niluluto at yung mga sangkap na ginagamit dito. Ang alam ko lang ay yung pangkaraniwan na luto na para ding afritada. Kahit ganun pa man, masarap pa din ang kinalabasan ng menudo kong ito. Masarap ito i-ulam sa kanin o kaya naman ay sa tinapay.

Tinawag ko pala itong Pinoy Menudo kasi nung i-check ko sa Google ang word na Menudo, may ibang klase palang menudo sa Mexico. Malayong-malayo ito sa menudong alam ko kaya naman nilagyan ko na lang ng pinoy sa title. hehehehe. But anyway, masarap ito kung kakaunti lang ang sauce, pero komo gusto ng mga anak ko na ma-sauce dahil nilalagay nila sa kanin nila, ma-sauce ang version kong ito.


PINOY MENUDO

Mga Sangkap:

1 kilo Pork kasim

1/2 kilo Pork Liver
1 large Carrot

1 large Potato

1 cup Green Peas

1 cup Green/Red Bell pepper

2 cups Tomato Sauce

1/2 cup Vinegar

1/2 cup Soy Sauce

1 tsp. Ground Black pepper

1 tsp. Dried Thyme or Oregano

1 large Tomato chopped

1 large Onion chopped

5 cloves Minced garlic

1 tsp. Maggie magic Sarap (optional)

Salt to taste

Note: Hiwain ang karne ng baboy, atay at mga gulay into cubes. Dapat magkakasing laki ang hiwa.


Paraan ng pagluluto:

1. I-marinade ang karne ng baboy sa asin, paminta, suka at toyo ng mga 1 oras.

2. Sa isang kaserola, igisa ang bawang, sibuyas at kamatis sa kaunting mantika o olive oil. Halu-haluin.

3. Ilagay ang minarinade na karne ng baboy. Takpan at hayaang maluto. Maaring lagyan ng tubig kung kinakailangan.

4. Kung malambot na ang karne, ilagay ang patatas, carrots, red bell pepper at dried thyme. Ilagay na din ang tomato sauce. Halu-haluin.

5. Kung malapit ng maluto ang patatas, ilagay ang atay ng baboy, maggie magic sarap at green peas.

6. Tikman at i-adjust ang lasa.

7. Hayaan hanggang sa maluto ang atay ng baboy.

Ihain habang mainit pa.

Enjoy!!!!

Comments

J said…
I will try this without atay. Kasi hindi kakainin ng asawa ko hehehe.
July 30, 2010 at 8:13 PM
Dennis said…
Yah it's okay....You can put also, sausages or hotdogs.

Thanks J
July 31, 2010 at 8:11 AM
cathyvean said…
tried this one yesterday for lunch.it's really good,nagbigay ng
kakaibang lasa yung dried thyme,different from the usual timpla ng menudo.
August 1, 2010 at 5:10 PM
cathyvean said…
This comment has been removed by the author.
August 1, 2010 at 5:10 PM
Anonymous said…
iba kasi way of cooking ng nga bulakenyo hindi lang ginigisa kailangan muna isang kutsa. kaya kung mapapansin mo sa mga handang bulakenyo bisperas o araw bago ang handaan nag kakatay na ng baboy at manok tapos isasangkutsa na ito kinabukasan sya igigisa kasama ang mga sahog na patatas atbp pati ang sarsa. sorry hindi pwede ibahagi ang sekreto ng pagsankutsa hahaha lol . Proud Bulakenyo mula sa bayan ng Queen of Philippine Cooking Mama Cita
July 5, 2015 at 2:18 AM
Dennis said…
Uy alam ko yug pag-sangkutsa ha......hehehehe. ginagawa kasi yun para madaling maluto ang pagkain at para bagong luto pa pag inihain na. Kapag may mga sauce kasi ang ulam madali itong mapanis kaya hindi pwede na bisperas ito lulutuin. Kay pumapasok dito si sangkutsa...hehehehe
July 9, 2015 at 2:26 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more