BEEF POCHERO ver. 2



I love pochero. Kahit pa manok, baboy o baka man, gustong-gusto ko ang dish na ito. Masarap kasi yung naglalabang alat, asim ng tomato sauce at tamis ng sauce nito.

Pero alam nyo ba na ang pochero sa Cebu ay hindi kagaya nito na may tomato sauce? Opo. Ang pochero sa kanila ay yung bulalo natin. Laking gulat ko nga nung minsang mapunta ako ng Cebu at yayain ako ng aking kasama na kumain ng pochera at 3am o as in madaling araw. Sa loob-loob ko, anong meron sa pochero dito at madaling araw pa kakainin? Hehehehe. Yun pala, sabaw ng bulalo na pangtanggal ng tama namin sa nainom naming alak. hehehehe

Balik tayo sa dish na ito. Maraming version ang pochero. Kung baga, bawat rehiyon o lugar dito sa Pilipinas ay may kani-kaniyang version. Siguro depende na din sa available na mga sangkap ang pinagkakaiba nito.

Sa version kong ito, nilagyan ko ng chorizo de bilbao. May nabasa kasi ako na nilagyan niya ng ganito kaya naman sinubukan ko. Hindi naman ako nagkamali. Masarap at malasa ang kinalabasan ng aking beef pochero na ito. Try it!


BEEF POCHERO ver. 2

Mga Sangkap:

1 kilo Beef brisket cut into cubes

2 pcs. Chorizo de Bilbao sliced

2 pcs. Sweet Potato (Camote) cut into cubes

100 grams Baguio beans cut into 1 inch long

5 pcs. Saba cut into half

1 tali Pechay Tagalog

1/2 Repolyo sliced

2 cups tomato Sauce

1/2 cup Brown Sugar or as needed

4 cloves Minced Garlic

1 large Onion chopped

salt and pepper to taste


Paraan ng Pagluluto:

1. Ilaga ang karne ng baka sa isang kaserola may tubig at kauting asin hanggang sa lumambot.

2. Sa isang kaserola, igisa ang bawang at sibuyas

3. Ilagay ang pinalambot na baka at lagyan ng mga 3 tasa ng sabaw ng pinaglagaan.

4. Ilagay ang chorizo de bilbao, tomato sauce, camote at saging na saba. Takpan at hayaang maluto.

5. Kung malapit ng maluto ang camote ilagay ang baguio beans. Hayaan ng mga 2 minuto.

6. Huling ilagay ang pechay at repolyo.

7. Ilagay ang brown sugar. Tikman at i-adjust ang lasa. Maaring lagyan pa ng asin at paminta. Dapat ang lasa nito ay yung nagaagaw ang alat, tamis at asim ng tomato sauce.

Hanguin sa isang lalagyan at ihain habang mainit pa.

Enjoy!!!!

Comments

Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more