PINAPUTOK NA PLA-PLA

No, hindi yung pla-pla na pinapaputok kung bagong taon ang tinutukoy ko sa entry ko na ito. Although, pinaputok na pla-pla ang tawag dito.

And yes, pla-pla ang tawag sa tilapia na malalaki at tumitimbang ng mga 1/2 kilo ang bawat isa. Pinaputok...ewan ko kung bakit ganito ang tawag sa luto na ito basta ang alam ko nilagyan siya ng kamatis at sibuyas at kung ano-ano pang pampalasa at saka binalot ng aluminum foil. Pe-pwede itong i-ihaw o kaya naman ay i-prito sa kawali.

Hindi kagandahan ang picture ng aking pinaputok na pla-pla. Pero sabi nga, don't judge the book by its cover. Correct! Medyo pangit nga ang picture pero ang lasa naman ng kinalabasan nito ay super. Yes! Super sarap lalo na at may sawsawang calamansi at toyo na may sili. The best!


PINAPUTOK NA PLA-PLA

Mga Sangkap:
4 pcs. (2 kilos) Large Tilapia (Pla-pla) - alisin ang mga kaliskis at palikpik
4 pcs. Tomatoes (hiwain ng maliliit)
2 pcs. Red Onion (hiwain din ng maliliit)
1 tbsp. Garlic powder
salt and pepper to taste
1 tsp. Maggie Magic Sarap
2 tbsp. Sesame oil
Aluminum foil

Paraan ng Pagluluto:
1. Sa isang bowl paghaluin ang lahat ng mga sangkap maliban sa tilapia, sesame oil at aluminum oil.
2. Lagyan ng pinaghalong mga sangkap ang tiyan ng tilapia at saka balutin ng aluminum foil.
3. Ilagay sa freezer ng mga 1 oras bago lutuin. Mas mainam kung overnight o mas matagal para mas maging malasa at masarap ang inyong tilapia.
4. Lutuin ito sa oven o kaya naman ay sa turbo broiler sa loob ng mga 30 minuto. Pwede ding i-pan-grill o kaya naman ay ihaw sa baga.

Ihain ito habang mainit pa kasama ang sawsawang pinaghalong calamansi, toyo, suka at sili.

Enjoy!!!!

Comments

Verna Luga said…
ahaha, Hi Dennis, sarap to pulutan ... hehehe.. pla-pla talaga!

Food Trip Friday here
September 17, 2010 at 9:51 PM
Cecile said…
yum, sarap nito...sawsaw sa kamatis na may bagoong, then steamed rice....hay ...busog!
September 18, 2010 at 5:21 AM
Dennis said…
Tama ka Vernz ang sarap nga nito na pulutan...heheheh...lalo na at may kasama pang calamansi na may toyo at sili....hehehhe...winner!!!
September 18, 2010 at 11:58 AM
Dennis said…
Correct ka Cecile dyan....Alam ang masarap dito yung nababad yung tilapia sa kamatis, at subuyas..lumasa siya sa laman ng isda....panalo!!!
September 18, 2010 at 12:00 PM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more