CALLOS - My own version

This is the first time na magluto ng Callos. Kaya naman todo research ako kung papaano ba talaga magluto nito. Marami akong nakitang version but I think itong version ko ang pinaka-simple.

Mayroon pa nga akong nabasa...talagang nagtalo pa sila sa mga sangkap at pagtawag sa lutuing ito. Hehehehe. Ang masasabi ko lang, nasa cook na kung ano ang gusto niyang gawin sa kanyang lutuin at kung ano ang gusto niyang itawag dito. Ang adobo sa atin ay iba sa adobo sa ibang bansa. So bakit tayo magtatalo kung alin ang tamang terms o words? Ang importante nai-improve natin ang mga classic dish na matagal na nating nagustuhan.

Here is my simple version of the classic spanish favorite dish na callos.


CALLOS - My own version

Mga Sangkap:
1/2 kilo Beef tripe/tuwalya ng baka (boiled until tender)
1 cup Tomato Sauce
1 cup or 1 can Garbanzos
2 pcs. Chorizo de Bilbao cut into cubes or sliced
1 large Carrot sliced
1 large Red Bell pepper slices
1/2 tsp. Dried Thyme
2 tbsp. Olive Oil
5 cloves minced garlic
1 large Onion chopped
Salt and pepper to taste

Paraan ng Pagluluto:
1. Pakuluan ang tuwalya ng baka sa tubig na may asin, paminta, laurel at luya hanggang sa lumambot.
2. Palamigin ito at hiwain ng pahaba o sa nais na laki. Ilagay muna sa isang lalagyan.
3. Sa isang kaserola o kawali igisa ang bawang at sibuyas sa olive oil. Halu-haluin
4. Ilagay na ang lahat ng sangkap at hayaang maluto sa loob ng mga 10 minuto.
5. Tikman at i-adjust ang lasa.

Ihain habang mainit pa.

Enjoy!!!!