ROASTED CHICKEN with GARLIC & LEMON



Napansin nyo ba na medyo may katagalan na nahindi ako nagpo-post ng mga roasted o broiled na ulam? Nasira kasi yung ini-ingat-ingatan kong turbo broiler. Naman, regalo pa yun nung kami ay ikinasal ng aking asawa. Marami-raming dish na din ang niluto nun at marami na rin ang nasarapan. Pero yun nga bigla na lang siyang nasira sa di ko alam na kadahilanan.

Nitong isang linggo lang ay nagulat ako ng ibili ako ng asawa kong si Jolly ng bagong turbo broiler. Gift niya daw sa akin yun. hehehehe. Ang naisip ko agad na lutuin dun ay ang paborito ng mga anak ko na roasted or turboi broiled chicken na nagkaroon pa nga ng pangalan na Anton's Chicken named after sa bunso kong anak na si Anton.

Almost the same ang recipe ng Antons Chicken at ng entry kong ito for today. Yun lang, lemon ang ginamit ko dito at wala akong tanglad na ginamit. Pero ang resulta ay ia pa ring masarap na roasted chicken. Masarap, malinamnam at pasok talaga sa laman ang lasa ng lemon at garlic.

Sayang na-late ito for the noche buena at media noche. Pero okay din naman itong ihanda sa mga espesyal na okasyon. Try nyo din.


ROASTED CHICKEN with GARLIC & LEMON

Mga Sangkap:

1.5 kilo Whole Chicken

1 pc. large Lemon

1 head Minced Garlic

1 tsp. Ground Black Pepper

2 tbsp. Rock Salt

1/2 cup Soy Sauce

1 tsp. Maggie magic Sarap o 1 tbsp. Liquid Seasoning

2 tbsp. Salted Butter


Paraan ng Pagluluto:

1. Paghaluin ang asin at paminta at saka ikiskis sa katawan ng buong manok.

2. Sa isang malaking bowl, paghaluin ang katas ng lemon, bawang, maggie magic sarap o liquid seasoning, toyo at salted butter. Haluin mabuti.

3. Ilibog sa marinade mix ang manok at medyo imasahe sa katawan nito ang marinade mix. Lagyan din ng marinade mix ang loob na parte ng manok.

4. Isalin ang manok at marinade mix sa isang plastic bag at ikot-ikotin. Hayaan ng mga 1 oras bago i-roast. Overnight mas mainam.

5. Lutuin ito sa oven o turbo broiler na may init na 200 degrees sa loob ng 45 minuto hanggang 1 oras o hanggang sa maluto ang manok.

6. Pahiran ng marinade mix ang katawan ng manok from time to time.

Ihain habang mainit pa kasama ang paboritong niyong lechon sauce o kaya naman ay gravy.

Enjoy!!!!

Comments

momdance89 said…
sir dennis paano po ba magiging malutong ang balat ng chicken? Last holidays nagluto ako nito maputla at di malutong ang balat kahit nasa 450 degrees na... paborito ito ng aking pamilya masarap at healthy pa... thanks and more power to your blog sir...
January 12, 2011 at 4:49 PM
Dennis said…
Kapag niro-roast ang chicken hindi mo talaga yun mapapalutong. Kung fried pwede pa....dalwang beses mo lang i-prito.

It's a big No na masyadong mainit ang oven mo o turbo broiler....baka masunog ang balat tapos hilaw ang loob. 200 degrees is okay.

Para mapa-pula mo naman ang balat. I-brush mo lang palagi ng marinade mix o kaya naman ay butter.

Thanks momdance89...share mo din ito sa mga friends mo.

:)
January 13, 2011 at 12:02 PM
Unknown said…
will try this one.. para maiba naman.. thanks for sharing your recipe with us!.
March 10, 2016 at 10:25 AM
Dennis said…
Thanks Ms. Jacquiline.....Tried and tested na ag recipe na yan. I hope your family will love it.

Dennis
March 17, 2016 at 10:52 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more