CHICKEN LOLLIPOP with HOISIN-SESAME GLAZE

Narito na naman ang isang chicken dish na tiyak kong magugustuhan ng inyong mga anak especially the kids. Madali lang lutuin, masarap at kakaiba.

May nabili akong 1 pack na chicken lollipop nitong huling groceries ko. Ang nasa isip ko nun ay ipampapabaon ko ito sa 3 kong anak na nag-aaral. Pero that time hindi ko pa alam kung anong luto ang gagawin ko dito. Ipi-prito? Parang boring na. Although okay pa rin nama ito sa kanila.

This time ang ordinaryong pritong manok ay mas naging espesyal ng i-coat ko ito ng hoisin sauce at binudbudan ko ng tosted sesame seeds. Yummy talaga. Malalaman ko ang masasabi ng mga anak ko mamaya pag-uwi nila galig ng school. Hehehehe.

CHICKEN LOLLIPOP with HOISIN-SESAME GLAZE

Mga Sangkap:

10 pcs. Chicken lollipop o drumstick

1 Egg beaten

2 cups Flour or Cornstarch

3 pcs. Calamansi

2 tbsp. Hoisin sauce

2 tbsp. Soy Sauce

1 tbsp. Brown Sugar

1 tbs. Toasted Sesame seeds

Salt and peper to taste

Paraan ng pagluluto:

1. I-marinade ang manok sa asin, paminta at katas ng calamansi ng mga 1 oras.

2. Ilubog sa binating itlog at igulong naman sa harina o cornstarch.

3. I-prito sa kumukulong mantika hanggang sa maluto at mag-golden brown ang kulay. Hanguin sa isang lalagyan na may paper towel.

4. Alisin ang mantika sa pinag-prituhan.

5. Ilagay ang Toyo, hoisin sauce at brown sugar. Haluing mabuti.

6. Ibalik sa kawali ang piniritong manok at haluing mabuti hanggang sa ma-coat ng sauce ang lahat ng manok.

7. Hanguin sa isang lalagyan at budburan ng toasted sesame seeds sa ibabaw.

Ihain habang mainit pa.

Enjoy!!!!