CRISPY PATA to PATA TIM


Akala nyo siguro laging perfect ang mga niluluto ko ano? Hindi naman palagi. May mga palpak din pero nakakain din naman. Hehehehe.

Katulad nitong Crispy Pata na ito. May nakita akong magandang pata sa SM supermarket. Maganda kasi malaman siya at maganda ang pagkahiwa. Ang hindi ko na check ay yung kapal ng balat ng karne. Sa balat kasi malalaman mo kung matanda na ang baboy o hindi. Pag makapal, asahan mong inahin o may idad na ang baboy. At hindi ito bahay na gawing crispy pata.

So ano ang ginawa ko sa pumalpak na crispy pata? Ginawa kong pata tim. hehehe. Wag ka ha....masarap ang kinalabasan dahil lang sa kaunting trick. hehehehe


CRISP PATA to PATA TIM

Mga Sangkap:

For crisp pata:
1 whole Pork leg
2 pcs. Dried Laurel
1 head Garlic
1 tsp. Pepper corn
3 tbsp. Rock Salt

For Pata Tim:
1 cup Oyster Sauce
1/2 cup Sweet Soy Sauce
2 pcs. Star Anis
1 cup+ Brown Sugar
1 tsp. Sesame Oil
1/2 tsp. Ground Black Pepper
1 tsp. Garlic powder
1 tsp. Cornstarch

Paraan ng pagluluto:
1. Sa isang kaserola (dapat kasya ang buong pata), pakuluan ang pata ng baboy sa tubig na may asin, pamintang buo, bawang at dried laurel. Pakuluan hanggang sa lumambot ang karne.
2. Hanguin at palamigin sandali.
3. Tusuk-tusukin ng tinidor ang balat ng nilagang pata. Sa pamamagitan nito, mas magiging crispy at magpa-pop ang balat ng baboy.
4. Isalang ito sa turbo broiler sa init na 300 degrees hanggang sa pumula at mag-pop ang balat ng baboy.

Ihain ito na may kasamang suka na may sili, toyo, ginayat na kamatis at sibuyas at katas ng calamansi.

Duda ako kung may matitira pa sa crispy pata...hehehe. Pero kagaya nga ng nangyari sa aking niluto, nauwi sa pata tim ang aking crispy pata. Eto ngayon ang gagawin:
1. Sa isang kaserola, ilagay ang crispy pata at lagyan ng 3 tasang sabaw ng pinaglagaan ng pata, garlic powder, star anis, ground black pepper at sweet soy sauce.
2. Pakuluan ito hanggang sa tuluyang lumambot ang lamat at balat ng crispy pata. Yun bang para nahihiwala na ang laman sa buto.
3. Kung malambot na malambot na ang karne, ilagay ang oyster sauce at brown sugar.
4. Tikman ang sauce at i-adjust ang lasa.
5. Huling ilagay ang tinunaw na cornstarch at sesame oil.

Enjoy!!!!

Note: Sayang hindi ko nakuhanan ng picture ang pata tim. Next time. :)

Comments

J said…
Kuya sarap niyan! Pede bang magpaampon sa inyo? Hehehe.
July 20, 2011 at 8:21 PM
Dennis said…
Oo ba....hehehehe...basta hindi ka lang malakas kumain....hahahaha.
July 21, 2011 at 11:56 AM
Post a Comment

Popular posts from this blog

FOOD SUGGESTIONS para sa mga MAHAL na ARAW

Image
http://mgalutonidennis.blogspot.com/2013/04/cream-dory-with-white-basil-sauce.html Sa mga Katolikong Kristyano tulad ko, kapag dumarating ang mga Mahal na Araw, naging kaugalian na natin na mangilin sa pagkain ng karne tuwing biyernes ng Kuwaresma at Biyernes Santo.   Ito'y munting sakripisyo na iniuutos ng simbahan bilang pagaala-ala sa paghihirap ng Panginoon nating si Hesus para sa ating mga kasalanan. Sa araw na ito ng Martes Santo, minarapat kong magbahagi ng mga pagkain na pwede nating ikonsidera para sa mga araw na ito.  Paki-cut and paste na lang ng mga link para sa mga recipes: http://mgalutonidennis.blogspot.com/2014/02/sinigang-na-tiyan-ng-tuna.html http://mgalutonidennis.blogspot.com/2014/01/ginisang-tinapang-bangus-at-itlog-na.html http://mgalutonidennis.blogspot.com/2013/11/escabecheng-dalagang-bukid.html http://mgalutonidennis.blogspot.com/2013/07/tinolang-bangus.html http://mgalutonidennis.blogspot.com/2013/04/pan-grilled
Read more

KARE-KARE

Image
Kapag sinabing Pilipino food hindi mawawala ang kare-kare sa ating mga listahan. Ofcourse ang ating adobo at sinigang ang tiyak na nauuna dito. Pinoy na pinoy ang dating ng kare-kare. Bukod sa mga gulay na sahog nito, panalong-panalo din ang kasama nitong bagoong. Madali lang magluto ng kare-kare. Tambog-tambog lang ng mga sangkap ay okay na. Ang pinaka-importante na dapat nating tandaan sa dish na ito ay yung freshness ng mga gulay at ang masarap na bagoong na gagamitin. Kung hindi kasi masarap ang bagoong, parang walang buhay ang kare-kare nyo. Kare-kare is not kare-kare kung walang bagoong. To be safe, bumili na lang tayo ng mga bottled na bagoong sa supermarket. Mas masarap yung sweet and spicy ang flavor. KARE-KARE Mga Sangkap: 1 kilo Beef face o buntot ng baka (cut into serving pieces) Puso ng saging Sitaw Pechay Tagalog Talong 1 cup Ground Toasted Rice 1 cup Ground Toasted Peanuts or 1 cup peanut butter 1/2 cup Anato oil or Achuete 1 head minced Garlic 1 large Onion sliced salt
Read more

Sinigang na Baboy

Image
Masasabi kong tunay na lutong Pilipino ang sinigang na Baboy. Katulad ng Adobo, Pinoy na Pinoy ang dating nito. Wala sigurong Pinoy na hindi marunong magluto nito. Kaya kahit alam nyo na kung papano lutuin ito iginawa ko pa rin ng entry sa blog na ito. Sabi ko nga ang Sinigang na Baboy ay katulad ng Adobo. Marami itong variety. Mapa isda, baboy o baka man ay pwede mong gaing sinigang. Marami ding klase ng sinigang. May sinigang sa sampalok which is the common sinigang na natitikman natin. Mayroon ding sinigang sa kamyas o kaya naman sa bunga ng bayabas. Yung nai-post ko na na sinigang sa miso. Pwede ding gumamit ng calamansi o lemon sa pang-asim sa sinigang. Kung baga endless ang pwedeng gamitin sa sinigang. At kahit saang parte ng mundo, sinigang is truly Filipino. SINIGANG NA BABOY Mga Sangkap: 1 - 1 1/2 kilo ng Baboy (Spare ribs ang ginamit ko dito) 1/4 kilo Gabing pang sigang 1 tali kangkong 1 tali sitaw 6 pcs. okra 4 pcs. siling pang sigang(chili fingers) 1 large na sibuyas 2 larg
Read more